Катталангар Қуръони Ислом санъати Биенналесида тақдим этилади
Ўзбекистон маданият ва санъатни ривожлантириш жамғармаси Жидда шаҳрида (Саудия Арабистони) Ислом санъатининг биринчи биенналесида иштирок этиб, мамлакатимиздаги ноёб музей экспонатларини тақдим этади.
ЎзА хабарига кўра, 17 объектдан иборат экспозицияда Мусҳафнинг энг қадимий қўлёзмаларидан бири бўлган Катталангар Қуръонига алоҳида ўрин берилган. Яқинда Лувр мутахассислари томонидан тикланган унинг 13 саҳифасидан иккитаси ҳозирда фонд томонидан Парижда ташкил этилган кўргазмада биринчи марта намойиш этилмоқда. Ислом санъати Биенналесида Қуръоннинг тўрт саҳифаси бўлиб, улардан иккитаси биринчи марта кўрсатилади.
Ислом санъати Биенналеси шу йилнинг 23 январидан 23 апрелига қадар Жидда (Саудия Арабистони)да Canopy Terminal ҳудудида бўлиб ўтади.
Ўзбекистон мусулмонлари идораси матбуот хизмати
Хонадонларга меҳр, кўнгилларга умид таратган байрам
Ўзбекистон мусулмонлари идораси раиси Шайх Нуриддин Холиқназар ташаббуслари билан Ўзбекистон Республикаси Мустақиллигининг 35 йиллиги муносабати билан Қорақалпоғистон мусулмонлари қозияти ва қозиётга қарашли барча масжид имом-хатиблари томонидан нуроний кексалар, меҳнат фахрийлари ҳамда ёрдамга муҳтож оилаларнинг ҳолидан хабар олинди. Тадбир доирасида муҳтож оилаларнинг турмушини енгиллаштириш мақсадида бир оилага замонавий қуёш панели ўрнатиб берилиб, қўшимча байрам совғалари топширилди. Бундай хайрия ташаббуслари жамиятда ўзаро аҳиллик, меҳр-оқибат ва инсон қадрини улуғлаш муҳитини янада мустаҳкамлашга хизмат қилади.
Қорақалпоғистон мусулмонлари қозиёти
