Хато эътиқоддаги одамни белгиланган вақтда портлайдиган бомбага ўхшатиш мумкин. Чунки унинг феъл-атворини тушуниб бўлмайди, олдиндан айтиб бўлмайди, ўзини қачон портлатишини билиб бўлмайди. Унинг фикрлаш тизимида хатолик бор, шунинг учун ўзидан бошқача фикрлайдиган ҳар қандай одамнинг фикри унга ғалати туюлаверади, у инсоний фикрлаш табиатидан чиқиб кетган. Бир қарасангиз, ҳеч ким эшитмаган гапларни айтади, ғалати фатволар беради, халқ орасида ғайриоддий ишлар қилади.