09 Май, 2025, 11 Зулқаъда, 1446
09 Май, 2025, 11 Зулқаъда, 1446
Озарбайжоннинг оммабоп «Каспий» газетасида Тошкент шаҳрида бунёд этилаётган Ўзбекистондаги Ислом цивилизацияси марказига бағишланган мақола чоп этилди, деб хабар бермоқда «Дунё» АА мухбири.
Нашрда 2024 йил бошига қадар Тошкентда Ўзбекистондаги Ислом цивилизацияси марказини очиш режалаштирилаётгани маълум қилинган.
«Марказ қурилиши сўнгги беш йил давомида Тошкент шаҳрининг Олмазор туманидаги машҳур Ҳазрати Имом (Ҳастимом) мажмуаси ҳудудидаги 7 гектар майдонда олиб борилмоқда, — дейилади мақолада. -Қурилиш ишларининг асосий қисми аллақачон якунланган».
Қайд этилишича, Ўзбекистондаги Ислом цивилизацияси маркази нафақат туркий дунёда, балки бутун ислом оламида ушбу йўналишда фаолият юритаётган илмий марказлар учун таянч вазифасини ўтайди.
«Марказда маҳаллий ва хорижлик мутахассислар илмий изланишлар олиб боради, улар фаолияти натижалари асосида энциклопедия ва илмий нашрлар чоп этилади, теледастурлар тайёрланади, фильмлар суратга олинади, - деб ёзган Озарбайжон босма нашри. – Марказда фаолият юритадиган Халқаро ислом академиясида 200 нафардан ортиқ талаба магистратура ва докторантурада ўқишни давом эттириши мумкин».
Нашрда таъкидланганидек, Марказ Ўзбекистонда туризмни ривожлантиришга ҳам катта ҳисса қўшиши кутилмоқда.
«Ўзбекистондаги Ислом цивилизацияси маркази қурилиши билан мамлакатнинг диний ва тарихий сайёҳлик йўналишларига илмий, таълим ва маданий йўналиш қўшилади», - деб ёзган «Каспий» газетаси.
Ўзбекистон мусулмонлари идораси
Матбуот хизмати
Шу йил 8 май куни Бухоро шаҳридаги Мир Араб олий мадрасасида вакиллик тасарруфидаги масжид имом-хатиблари ўртасида “Мотуридий таълимоти билимдони” номли интеллектуал беллашув бўлиб ўтди.
Тадбирни Ўзбекистон мусулмонлари идорасининг Бухоро вилоятидаги вакили, Мир Араб олий мадрасаси ректори Жобир домла Элов кириш сўзи билан очиб, беллашувнинг маънавий, илмий ва тарбиявий аҳамияти ҳақида сўз юритди. Вилоят бош имом-хатибининг ўринбосари Отабек домла Авезовга эса танлов тартиб-қоидаларини тушунтирди.
Беллашув қуйидаги тўрт шарт асосида ўтказилди:
1. Тақдимот шарти
2. Мотуридий таълимоти бўйича савол-жавоб;
3. Диний-маърифий соҳадаги давлат сиёсатига оид савол-жавоб;
Танлов иштирокчилари мотуридийлик таълимотининг асосий қоидалари, ақидавий ечимлари ва мантиқий-илмий асослари юзасидан ўз билимларини намоён этди.
Беллашув якунларига кўра қуйидаги жамоалар ғолиб деб топилди:
• 1-ўрин: Мотуридий меъросхўрлари;
• 2-ўрин: Эътиқод дурдоналари;
• 3-ўрин: Ақида имомлари.
Мазкур танлов Имом Абу Мансур Мотуридийнинг илмий меросини чуқур ўрганиш, уни кенг тарғиб қилиш ва бу орқали соф эътиқод, илм ва маърифат асосларини жамиятда мустаҳкамлаш мақсадида ташкил этилди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 