30 Май, 2026, 12 Зулҳижжа, 1447
30 Май, 2026, 12 Зулҳижжа, 1447
Ўзбекистон мусулмонлари идораси раиси, муфтий Нуриддин домла Холиқназаров ва Дин ишлари бўйича қўмита раиси Содиқжон Тошбоев бошчилигидаги Ўзбекистон делегацияси аъзолари Макка шаҳридаги сафарлари давомида юртимиз зиёратчиларига хизмат қилиши мумкин бўлган 5 юлдузли энг замонавий меҳмонхонларни кўздан кечирдилар.
Муфтий ҳазратлари меҳмонхоналарнинг ҳар томонламан қулай, шинам бўлиши ва мана шундай шароитларни ҳозирлаш орқали зиёратчиларимизнинг муборак сафар давомида фақат роҳат билан ибодат ва дуо-ю илтижолар қилишларига катта эътибор қаратмоқдалар.
Жорий йилда Мадинаи мунаввара ва Маккаи мукаррамада беш юлдузли, барча қулайликларга эга бўлган замонавий меҳмонхоналар ўзбекистонлик зиёратчилар учун хизмат кўрсатади, иншо Аллоҳ.
Ташриф асносида Ҳаж делегацияси юртимиз ҳожиларига таом ва ичимликлар тақдим этиш борасида хизмат кўрсатиши мумкин бўлган мутасадди вакиллар билан учрашиб, ошхоналарни саралаш мақсадида уларнинг фаолияти билан яқиндан танишдилар. Хусусан, улардаги шарт-шароит, озиқ-овқат маҳсулотларининг сифати, покизалиги, таом пиширадиган замонавий қозон ва ошхона анжомлари кўздан кечирилди.
Сафар жараёнлари ва эришилган натижаларини сайт ва ижтимоий тармоқларда кузатиб боринг.
Ўзбекистон мусулмонлари идораси Матбуот хизмати
2026 йилнинг 25 май куни Имом Бухорий номидаги Тошкент ислом институти жамоаси учун қувончли воқеа юз берди. Институт Кенгашининг йиғилишида ректор Уйғун Ғафуров томонидан “Ақоид ва фиқҳий фанлар” кафедраси доцент вазифасини бажарувчиси, исломшунослик фанлари фалсафа доктори (PhD) Маъмуржон Раҳмонбердиевич Эркаевга Фиқҳ, калом илми (Илоҳиёт) ихтисослиги бўйича доцент илмий унвони тантанали равишда топширилди.
Маъмуржон Эркаев 2005 йилда Тошкент ислом институтини, сўнгра Ўзбекистон халқаро ислом академияси магистратурасини муваффақиятли тамомлаган. Олим 2024 йилда “Бурҳониддин Маҳмуд Бухорийнинг “Муҳитул Бурҳоний” асарида ижара шартномалари” мавзусидаги диссертациясини юксак савияда ҳимоя қилган эди. Жонкуяр педагог сифатида у сўнгги уч йилда “Фароиз илми” ва “Фиқҳ илмига кириш” ўқув қўлланмалари ҳамда “Ҳидоятул муҳтор” асарини нашр эттирди, шунингдек, маҳаллий ва халқаро журналларда ўнлаб илмий мақолалари эълон қилинди.
Муҳтарам устозни ушбу юксак илмий унвон ва эътироф билан муборакбод этиб, уларнинг илм йўлидаги хайрли изланишларига зафарлар ва куч-қувват тилаб қолади.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 