27 Июн, 2025, 2 Муҳаррам, 1447
27 Июн, 2025, 2 Муҳаррам, 1447
Бугун, 4 март куни Ўзбекистон мусулмонлари идораси раиси, муфтий Нуриддин домла ҳазратлари Тошкент шаҳрида қайтадан бунёд этилган “Кулол Қўрғон” жоме масжидига ташриф буюрдилар. Муфтий ҳазратлари суҳбат аввалида жоме масжидни қайта бунёд этишда хизмат қилган қурувчилар, ҳашарчилар ва ҳомийларга миннатдорлигини билдириб, масжид қуришдек хайрли амалларининг ажри савоблари зиёда бўлишини дуо қилдилар.
Қайд этиш жоизки, “Кулол Қўрғон” жоме масжиди саховатпеша инсонлар кўмаги ва ҳашар йўли билан қайта бунёд этилди. Масжид қурилиши 2019 йилда бошланиб, 2021 йил ўрталарида якунига етказилди. Замонавийлик акс этган масжид 2-3 қаватдан иборат бўлиб, 32 метрлик минора унга ўзгача чирой бериб турибди. Бир вақтнинг ўзида 3500-4000 нафар намозхонни сиғдирувчи масжидда барча шароитлар ҳозирланган. Хусусан, замонавий таҳоратхоналар, мингдан зиёд адабиётга эга кутубхона, масжид ходимлари учун ахборот технологиялар хонаси, маъмурият ва имом-хатиб, имом ноиби ва қоровулхоналар мавжуд.
Муфтий ҳазратлари ўз сўзлари давомида Ислом динида аёлларга муносабат, уларнинг ҳаётимиздаги ўрни ҳақида йиғилганларга мавъиза қилиб, бундай дедилар:
– Ислом келганидан кейин аёлларнинг жамиятдаги мавқеълари тикланиб, бир қанча ҳақ-ҳуқуқларга эга бўлдилар. Қуръони каримнинг ўндан ортиқ сураларида ва кўплаб ҳадиси шарифларда аёлларнинг ҳақ-ҳуқуқлари ва уларга тегишли ҳукмлар келтирилган. Ҳатто, Қуръони каримда алоҳида “Нисо” (“Аёллар”) деб номланган сура ҳам мавжуд. Буларнинг ҳаммаси Ислом динида аёлларга бўлган юксак эътибордир.
Шунингдек, муфтий ҳазратлари маъруза давомида ҳаётнинг турли жабҳаларидаги жавобгарлик масъулияти эркакка юклатилиши, исломда аёллар таълим олиш, ҳалол касб кор қилиш ҳуқуқига эгалиги, нафақа ва маҳр олиш ҳаққи борлиги ҳақида ҳам сўзладилар. Хусусан, кейинги пайтда айрим эркаклар томонидан хотин-қизларга нисбатан нотўғри муносабатда бўлинаётгани ҳақида ҳаётий мисоллар билан гапириб, ҳақиқий мўмин банда заифаларга Ҳазрати Пайғамбаримиз кўрсатиб бергандек муомала қилиш зарурлигини ҳадиси шарифлар асосида шарҳлаб бердилар.
Амри-маъруф якунида муфтий Нуриддин домла ҳазратлари юртимиз тинчлик-осойишталиги, Ватанимиз равнақи ҳамда жамоат ҳақига хайрли дуолар қилиб, мана шундай гўзал масжидни қуришга ҳисса қўшган барчанинг ҳаққига Аллоҳ таолодан ажру мукофот сўрадилар.
Ўзбекистон мусулмонлари идораси
Матбуот хизмати
Оммавий ахборот воситаси – жамият кўзгуси, миллатнинг юзи. Унинг зиммасида кенг жамоатчиликни фикрлашга чорлаш, тарбиялаш, дунёқарашни бойитишдек масъулият туради.
Кейинги йилларда мамлакатимизда ҳуқуқий демократик давлат ва фуқаролик жамияти барпо этишнинг муҳим шарти бўлган оммавий ахборот воситаларини ривожлантириш, уларнинг моддий-техник базаси ва кадрлар салоҳиятини мустаҳкамлаш, сўз ва матбуот эркинлигини таъминлаш, соҳа вакилларини ҳар жиҳатдан қўллаб-қувватлашга бўйича кенг кўламли ишлар амалга оширилмоқда.
Шу муносабат билан бугун Ўзбекистон халқаро исломшунослик академиясида "Матбуот – жамият кўзгуси" мавзусида давра суҳбати бўлиб ўтди.
Мазкур тадбир 27 июнь – Матбуот ва оммавий ахборот воситалари ходимлари куни муносабати билан ташкил этилди. Унда Ўзбекистон халқаро исломшунослик академияси ректори Музаффар Комилов, ОАВ вакиллари, Академия ўқитувчи ва ходимлари иштирок этди.
Сўзга чиққанлар сўнгги йилларда юртимизда сўз эркинлигига бўлган эътибор янги даражага кўтарилганини қайд этишди. ОАВ демократик қадриятларни қарор топтириш, дунёда ва мамлакатимизда содир бўлаётган ижтимоий-сиёсий жараёнлар, воқеа-ҳодисалар ҳақида тезкор ва ҳаққоний маълумотлар етказиш, Янги Ўзбекистоннинг демократик қиёфасини шакллантиришда муҳим роль ўйнаётганини таъкидлашди.
Дарҳақиқат, давлатимиз раҳбари соҳа вакилларининг меҳнатини доимо эътироф этар эканлар, шундай фикрларни билдирган эдилар:
"Биз бугун ҳуқуқий демократик давлат қураётган эканмиз, журналистиканинг бутун дунёда эътироф этилган, ўзгармас талаб ва мезонларига амал қилишимиз зарур. Бу мезонларнинг энг асосийси – холислик ва ҳаққонийликдир. Бинобарин, матбуот майдонига кирган инсон – у журналист бўладими, блогер бўладими, бундан қатъи назар – ана шу қоидаларга амал қилиши шарт".
Учрашув давомида "Янги Ўзбекистон" ва "Правда Востока" газеталари бош муҳаррири Салим Дониёров, "Жадид" газетаси бош муҳаррири Иқболжон Мирзаалиев, Адлия вазири маслаҳатчиси, блогер Шаҳноза Соатова ҳамда "Зиё" медиа маркази директори Абдуҳамид Мухторов сўзга чиқиб, ўз фикр-мулоҳазаларини билдирдилар.
Шундан сўнг юртимизда диний-маърифий соҳада амалга оширилаётган кенг кўламли ислоҳотлар ҳамда ёш авлоднинг баркамол вояга етиши, халқаро стандартлар асосида таълим олиши, илм-фан, касб-ҳунар чўққиларини эгаллаши ҳамда халқимиз маънавий-маърифий юксалиши борасидаги янгиланишларни кенг жамоатчиликка самарали етказишда Академия билан фаол ҳамкорлик қилиб келган бир гуруҳ ОАВ ходимларни байрам муносабати билан тақдирлаш маросими ўтказилди.
Бир гуруҳ журналистларга ташаккурнома ва эсдалик совғалари топширилди.
Ўзбекистон халқаро исломшунослик академияси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 