Туркиянинг энг нуфузли оммавий ахборот воситаларидан бири – “Сабаҳ” газетасида кўҳна ва замонавий Ўзбекистон мавзусига бағишланган мақола босилиб чиқди, деб хабар бермоқда “Дунё” АА. Унда мамлакатимиз халқи туркий эллардан бири эканлиги, қадим замонда ҳозирги Ўзбекистон Мовароуннаҳр ва Турон ҳудудлари таркибига киргани, бугунги кунда бой тарихи ва муҳим аҳамияти боис дунё миқёсида бот-бот тилга олинаётгани алоҳида таъкидланган.
Мақолада мамлакатимизнинг жўғрофий жойлашувига оид маълумотлар ҳам туркиялик ўқувчилар эътиборига ҳавола этилган.
“Самарқанд ва Бухоро каби тарихий шаҳарлари, машҳур Ўзбекистон Буюк Ипак йўлида жойлашганлиги билан Марказий Осиёда барчанинг эътиборини тортиб келган” деб ёзади нашр.
Шунингдек, мақолада мамлакатимизнинг бой маданий-маърифий мероси ва ўзига хос урф-одат ва анъаналари, уларнинг айримлари ЮНЕСКОнинг моддий ва номоддий мероси рўйхатидан жой олгани алоҳида таъкидланган. “Қарийб 3500 йиллик ўтмишга эга, бугунги кунда ҳам ўзининг тарихий жилосини сақлаб қолган Ўзбекистон – “бутун дунё аҳли, айниқса, турклар кўриши керак бўлган муҳим ўлкалардан биридир”, деб ёзади “Сабаҳ” газетаси.
Ўзбекистон мусулмонлари идораси матбуот хизмати
#xabar #kirish_imtihoni #sana #manzil
2025-2026 ўқув йили учун Ўзбекистон мусулмонлари идораси тасарруфидаги олий ва ўрта махсус диний таълим муассасалари ҳамда Тошкент ислом институти Модуль таълим шакли учун кириш имтиҳонлари санаси ва манзиллари билан танишинг:
1-ҳудуд: ЖОЙЛАШУВ (https://maps.app.goo.gl/Vmbm88k5b7tJg9WH6)
29-31 июль кунлари Тошкент шаҳри Чилонзор туманидаги "Шайх Муҳаммад Содиқ Муҳаммад Юсуф" жоме масжиди мажлислар зали;
2-ҳудуд: ЖОЙЛАШУВ (https://maps.app.goo.gl/4LDn82ij51CtGkzq5)
5-7 август кунлари Наманган вилояти Наманган шаҳридаги "Ҳидоя" ўрта махсус ислом таълим муассасаси;
3-ҳудуд: ЖОЙЛАШУВ (https://maps.app.goo.gl/E5fnbp9h4M34JbMV9)
11 август куни Қашқадарё вилояти Қарши шаҳридаги Олимпия ва паралимпия спорт турларига тайёрлаш маркази;
4-ҳудуд: ЖОЙЛАШУВ (https://maps.app.goo.gl/NwTKBd1QPhnj66sG9)
13 август куни Бухоро вилояти Бухоро шаҳридаги Мир Араб олий мадрасаси;
5-ҳудуд: ЖОЙЛАШУВ (https://maps.app.goo.gl/sLRA2EXo4rfrHhNPA)
15 август куни Қорақалпоғистон Республикаси Нукус шаҳридаги "Муҳаммад ибн Аҳмад ал-Беруний" ўрта махсус ислом таълим муассасаси.
Имтиҳон саналари ҳудудлардаги абитуриентлар сонидан келиб чиққан ҳолда белгиланган.
Маълумот ўрнида абитуриентлар ўзининг имтиҳон рухсатномасида кўрсатилган ҳудуддагина имтиҳон топшириши мумкин. Бошқа ҳудудларда қабул қилинмайди. Шу боис улардан ўзлари танлаган ҳудудда бўлишлари талаб этилади.
Ҳурматли абитуриентлар! Қабул имтиҳонлари тўғрисидаги ишончли маълумотларни Ўзбекистон мусулмонлари идораси ва диний таълим муассасаларнинг расмий саҳифаларида кузатиб боринг.
Имтиҳон рухсатномасини олиш тартиби бўйича қўшимча маълумот берилади.
2025-2026 ўқув йили қабул жараёнлари ҳақидаги сўнгги янгиликларни @qabulmuslimuz (https://t.me/qabulmuslimuz) телеграм саҳифасида кузатиб боринг.
Ўзбекистон мусулмонлари идораси
Матбуот хизмати