— Янги туғилган чақалоқнинг ақиқа куни сочи олингач, бошига заъфарон суртиш кeраклиги ҳақида ўқигандим. Бу динимизда айтилган-ми?
— Ҳа, бу борада ҳадисда таълим берилган. Абу Довуд ва Байҳақийлар саҳобалардан Бурайдадан ривоят қилишган. У айтади: “Жоҳилиятда болани бошига қон суртишар эди. Аллоҳ исломни келтиргач (ақиқа учун), қўй сўядиган ва сочини олиб бўлгач, бошини заъфарон билан бўяйдиган бўлдик”. Ушбу ҳадисдаги заъфарондан мақсад бошига хушбуй нарса суртишдир.
Муҳаммад Айюб ҲОМИДОВ
Бугун, 28 январь куни Ҳидоя ўрта махсус ислом таълим муассасасида талабалар иштирокида маърифий-маънавий учрашув бўлиб ўтди. Суҳбат Ўзбекистон мусулмонлари идораси Наманган вилояти бош имом-хатиби Абдуллоҳ домла Саматов иштирокида ташкил этилди. Тадбирда муассаса директори Қобилжон домла Мирзабаев ҳамда талабалар қатнашдилар.
Учрашувда ёшларни илм-маърифатга чорлаш, вақтдан унумли фойдаланиш ва улуғ уламолар ҳаётидан ибратли мисоллар орқали сабр, ихлос ва доимий изланишнинг аҳамияти таъкидланди. Шунингдек, таълим жараёнида масъулиятли бўлиш ва илмни жамият манфаати йўлида ўрганиш бўйича тавсиялар берилди.
Тадбир якунида фаол ва интизомли 6 нафар талабанинг ҳар бирига 5 миллион сўмдан, шунингдек, 2 нафар талабанинг ҳар бирига 7,5 миллион сўмдан пул мукофоти ҳамда қимматбаҳо совғалар топширилди.
Шу билан бирга, таълим муассасаси ривожи учун 30 миллион сўм миқдорида моддий ёрдам ажратилди.
Ўзбекистон мусулмонлари идораси
Наманган вилояти вакиллиги
Матбуот хизмати