«Гринпис» ташкилотининг янги ҳисоботида айтилишича, Яқин Шарқ, Африкa, Осиё ва Европадаги 10 та йирик масжидларда қуёш панелларини ўрнатиш ҳар йили минглаб тоннагача карбонат ангидрид чиқиндиларини камайтиришга олиб келиши мумкин.
«Гринпис» ҳисоботида энг йирик масжидларда, жумладан, Маккадаги Масжид ал-Ҳаром ва Мадинадаги Набавий масжидида қуёш энергетикасини жорий этишнинг техник томони батафсил таҳлил қилинган.
Экологлар Глазго Марказий масжиди ва Дамашқдаги Уммавийлар масжидига қуёш панелларини ўрнатишнинг потенциал таъсирини ҳам таҳлил қилдилар.
The National News хабарига кўра, Набавий масжидига қуёш панелларини ўрнатиш учун сарф-харажатларни тежаш йилига 375 000 долларни ташкил этади ва Дамашқ масжиди учун йилига 373 000 доллардан ошади.
Қуёш энергетикасига ўтиш натижасида Набавий масжиди ўз атмосферага ташламаларини йилига 3 199 тонна карбонат ангидридига камайтиради.
Мутахассисларнинг таъкидлашича, аслида қуёш панелларини ўрнатиш арзон нарса эмас, хусусан, Набавий масжиди учун қуёш энергетикасига ўтиш қиймати 3,1 млн долларни ташкил қилади, яъни бу 8 йил ичида масжид учун кетган сарфини қоплаб беради.
Ўзбекистон мусулмонлари идораси матбуот хизмати
Сайёр йиғилиш
Хабарингиз бор, шу йил ҳажга борган юртдошларимиз Арафот водийсида муҳтарам Президентимизга Қурбон ҳайити табиригини йўллаб, юртга қайтгач ҳар бир ҳожи «Янги Ўзбекистоннинг тинчлик ва маънавият тарғиботчилари» деган эзгу ташаббусни бир овоздан олға сурган эдилар.
Ана шу эзгу ташаббус бугун амалга кўчиб, ҳожилар имом-хатиблар, маҳалла фаоллари билан биргаликда хонадонларга, оилаларга кириб боряпти.
Шу йил 17 июль куни Тошкент вилояти бош имом-хатиби Дониёр домла Икромов бошчилигида Ўрта Чирчиқ туманидаги «Усмон ота» жоме масжидида туманлар/шаҳарлар бош имом-хатиблари, «Ҳаж 2025» ҳожилари, маҳалла фаоллари иштирокида йиғилиш бўлиб ўтди.
Тадбирдан сўнг тумандаги маҳаллаларга чиқилиб, оилалар ўрганилди. Ажрим ёқасида турган ёшлар яраштирилди, спиртли ичимликка ружу қўйган кишилар билан якка тартибда суҳбатлар ўтказилиб, уларга йўл-йўриқлар кўрсатилди, тавсиялар берилди.
Бундай тадбир қамрови кенглиги билан алоҳида аҳамият касб этяпти. Гап шундаки, тадбир доирасида бир оила 12 номдаги турли адабий-бадиий китоблар совға қилинди.
Тумандаги масжидлар имом-хатиблари ҳам тадбирда фаол қатнашдилар.
Шундан сўнг яна «Усмон ота» масжидига қайтилиб, амалга оширилган ишлар кўриб чиқилиб, келгусидаги режалар белгилаб олинди.
Хайрли дуолар билан сайёр йиғилиш ниҳоясига етди.
Тошкент вилояти вакиллиги
Матбуот хизмати