Toshkentda “MDH mamlakatlari II Islom bankchiligi va moliyasi forumi” bugun o'z ishini boshladi. Bu haqda O'zbekiston banklari assotsiatsiyasi axborot xizmati xabar tarqatdi.
Forumda yigirmadan ortiq davlatlardan kelgan mutaxassislar ishtirok etmoqda. Tadbir “AlHuda” islom bankchiligi va iqtisodiyoti markazi va Hususiy sektorni rivojlantirish bo'yicha Islom korporatsiyasi tashabbusi bilan O'zbekiston banklari assotsiatsiyasi va qator tashkilotlar ko'magida o'tkazilmoqda.
Tadbirdan ko'zlangan asosiy maqsad MDH mamlakatlaridagi iqtisodiy bozorni o'rganish, mintaqadagi islom bankchiligi va moliya sohasidagi tendentsiyalar, imkoniyatlar va sohadagi uchrayotgan qiyinchiliklarni tahlil etishdan iboratdir.
Forum doirasida 22-23 oktyabr' kunlari O'zbekiston banklari assotsiatsiyasi binosida islom bankchiligi, takaful va islom mikromoliyasi mavzulariga bag'ishlangan ikki kunlik maxsus intensiv seminar trening tashkil etiladi.
Ma'lumot uchun: “AlHuda” markazi 15 yildan beri islom bankchiligi va moliyasini targ'ib etib kelmoqda. Horijiy tashkilotning asosiy maqsadi foizsiz bank xizmatlarini ko'rsatishdir. Hozirda dunyoning etmishdan ortiq mamlakatlarida aynan ushbu markazda ta'lim olgan bitiruvchilar ish olib bormoqda.
azon.uz
Bugun, 27 yanvar kuni, “Qur’on va tajvidni o‘rgatish” bo‘limida navbatdagi amaliy mashg‘ulot bo‘lib o‘tdi. Mashg‘ulotni bo‘lim boshlig‘i Shayx Alijon qori Fayzulloh Maxdum olib bordi.
Darslarda Toshkent Islom instituti va “Ko‘kaldosh” O‘MITM qoshidagi “Qur’oni karim va tajvid” o‘quv kurslari filiallari o‘qituvchilari hamda mazkur ta’lim dargohlarining ustozlari ishtirok etdi.
Mashg‘ulot davomida har bir tinglovchining azon va iqoma bo‘yicha mahorati yakka tartibda tinglanib, zarur tavsiyalar berildi. Yakunlangach, ishtirokchilarga azon va iqoma bo‘yicha ijoza guvohnomalarini topshirish rejalashtirilgan.
Al-Quran.uz