Qirg'iziston muftiysi: Samimiy munosabat va mustahkam hamkorlik yanada rivojlanadi
Qirg'iziston muftiysi Zamir hoji Rakiyev muftiy Nuriddin domla Holiqnazarov hazratlariga tabrik yo'lladi. Unda jumladan shunday deyiladi:
– Qirg'izistonning barcha musulmonlari, Qirg'iziston musulmonlari diniy idorasi va shaxsan o'z nomimdan chin dildan Sizni O'zbekiston musulmonlari idorasi Ulamolar Kengashining kengaytirilgan yig'ilishida yuqori va juda muhim lavozim O'zbekiston musulmonlari idorasi raisi, muftiy lavozimiga saylanganingiz bilan tabriklayman.
Biz uchun ushbu xushxabar barcha birodar O'zbekiston musulmonlari uchun samimiy quvonch bo'lib xizmat qiladi va Alloh taoloning marhamati bilan an'anaviy Islom qadriyatlariga asoslangan butun O'zbekiston xalqining diniy-ahloqiy tinchlik-xotirjamligi va farovonligi yo'lidagi sa'y-harakatlaringizda U Zotning eng ezgu niyatlari va ishonchini oqlay olishingiz borasida bizda shunday ishonch uyg'otadi.
Nafaqat O'zbekistonda, balki butun dunyo bo'yicha haqiqiy Islomni mustahkamlash tarixida o'zining juda muhim izini qoldirgan O'zbekistoning barcha musulmonlari hayotida tinchlik va ma'naviy boylikning gullab-yashnashi yo'lida ergashish uchun yaxshi namuna bo'lib xizmat qiluvchi ahamiyati va muhimligi bo'yicha Sizning samimiy mehnatingiz va sa'y-harakatlaringiz, Sizning yuqori darajadagi diniy madaniyatingiz va ma'rifatliligingiz aynan Sizni butun qardosh O'zbekiston diniy idorasining eng yuqori lavozimiga saylash borasidagi O'zbekiston musulmonlari idorasi Ulamolar Kengashining kengaytirilgan yig'ilishi qaroriga asos bo'lib xizmat qildi.
Bundan tashqari, Sizning yuqori darajadagi ma'rifatliligingiz, shuningdek diniy idorada xizmat qilishning boy va bebaho tajribangiz jamiki qardosh O'zbekiston musulmonlariga foyda keltiruvchi yana ko'plab rejalar, keng ko'lamli loyihalarni qiyinchiliksiz hayotga tadbiq etishga xizmat qiladi va mamlakatlarimiz diniy idoralari o'rtasidagi samimiy o'zaro munosabat va qo'llab-quvvatlash hamda mustahkam hamkorlikni yanada kuchaytiradi.
Zamir hoji Rakiyev,
Qirg'iziston muftiysi
“Em Insight”: Toshkentdagi xalqaro mediaforum islom sivilizatsiyasining zamonaviy qiyofasini namoyon etdi
Britaniyaning “Em Insight” jurnalida O‘zbekistonda bo‘lib o‘tgan “Islom sivilizatsiyasi: yangi nigoh, yangi kashfiyotlar” mavzusidagi xalqaro mediaforumga bag‘ishlangan maqola e’lon qilindi, deb xabar bermoqda “Dunyo” AA.
Nashrda yozilishicha, O‘zbekiston Islom sivilizatsiyasi markazi tomonidan tashkil etilgan “Islom sivilizatsiyasi: yangi nigoh, yangi kashfiyotlar” xalqaro mediaforumi xorijlik OAVda katta qiziqish uyg‘otgan.
Raqamli platformalar, sun’iy intellekt va axborot xurujlari avj olgan hozirgi zamonda ommaviy axborot vositalarining mamlakatlar, madaniyatlar va sivilizatsiyalar haqidagi tasavvurlarni shakllantirishdagi o‘rni tobora ortib bormoqda.
Maqolada ta’kidlanishicha, Al-Xorazmiy, Ibn Sino, Beruniy, Imom Buxoriy, Imom Termiziy va Mirzo Ulug‘bek kabi jahon ilm-fani rivojiga beqiyos hissa qo‘shgan buyuk mutafakkirlar yurti bo‘lmish O‘zbekiston bu kabi global muhokamalar uchun eng maqbul maydondir.
Qatarning “The Peninsula” gazetasi mas’ul muharriri Muhammad Osmon forumning raqamli axborot asridagi ahamiyatiga to‘xtalib, Imom Buxoriyning hadislarni to‘plash va ularning haqqoniyligini tekshirishdagi qat’iy yondashuvini tilga oldi.
U ushbu metodologiyani manbalarni chuqur o‘rganish va verifikatsiya qilishning o‘chmas namunasi deb atadi va bu tamoyillar feyk xabarlar hamda sun’iy intellekt mahsulotlari ko‘paygan hozirgi davrda juda ahamiyatli ekanini bildirdi.
O‘zbekiston Milliy axborot agentligi muharriri O‘tkir Alimov forumning Mustaqillikning 35 yilligi ostonasida o‘tkazilayotganiga e’tibor qaratgan. U 50 mamlakatdan 300 ga yaqin OAV vakillarining Toshkentda jamlangani O‘zbekistonning sivilizatsiyalar chorrahasi sifatidagi o‘rni ortib borayotganidan dalolat berishini ta’kidladi.
Maqolada Toshkentdagi xalqaro mediaforum jurnalistika mas’uliyati, tarixiy tadqiqotlar chuqurligi va zamonaviy texnologiyalar imkoniyatlarini birlashtirgan holda Islom sivilizatsiyasini yangi, zamonaviy qiyofada dunyoga tanitishga xizmat qilishi bayon etilgan.
O‘zbekiston musulmonlari idorasi Matbuot xizmati
