Avval xabar berganimizdek, 21 oktyabr' kuni poytaxt imom-xatiblari yig'ilishida Toshkent shahri bosh imom-xatibi vazifasiga tayinlangan Rahmatulloh domla Sayfuddinovga Yunusobod tumanidagi “Minor” jome masjidi imom-xatibi vazifasi ham yuklatildi.
Bugun O'zbekiston musulmonlari idorasi raisi, muftiy Nuriddin domla Holiqnazarov hazratlari peshin namozida Rahmatulloh domla Sayfuddinovni “Minor” jome masjidi imom-xatibi sifatida namozxonlarga tanishtirdilar va ish faoliyatlariga xayrli duolar qildilar.
Hozirga qadar “Minor” jome masjidi imom-xatibi vazifasida ishlab kelayotgan Foziljon domla Ubaydullayev Yunusobod tumani Bodomzor dahasidagi “Mirza Yusuf” jome masjidi imom-xatibi vazifasiga o'tkazildi.
Alloh taolodan ulkan muvaffaqiyatlar tilaymiz.

O'zbekiston musulmonlari idorasi Matbuot xizmati