Ulan-Udeda islom markazi quriladi
Ulan-Udedagi musulmonlar jamoasi jome' masjidi huzurida madaniy-ma'rifiy markaz qurish va uning hududini kengaytirish niyatida. Buryatiya poytaxtidagi masjid 2010 yilda ochilgan bo'lib, u xususiy ehsonlar hisobiga qurilgan va endi ibodat qilishni istagan har bir kishini sig'dirmay qoldi.
"Ilgari 200 nafarga yaqin odam namozga kelgan. Endi masjid barcha namozxonlarni sig'dirmaydi. Ko'chada ko'pchilik namoz o'qiydi", - deydi musulmonlar jamoasi vakili Rasul Muhammad Shuayb.
Masjid yonida 2000 kvadrat metr maydonga ega madaniy-ma'rifiy markaz qurilishi rejalashtirilgan. Markaz binosida sport zali, o'quv xonalari, oshxona va mehmonxona bo'ladi.
"Bizning eng muhim maqsadimiz-yoshlarimizni to'plash uchun hududni kengaytirish. Ular barcha ta'lim muassasalari bo'yicha tarqalgan. Hamma borib o'qiydi. Juma kunlari ham ularda o'quv mashg'ulotlari bo'ladi. Ularning masjidga qatnashga imkoni yo'q. Shunday qilib, bu erda ovqatlanish xonasi bo'ladi, shuning uchun ular och qolganda bu erda ovqatlanishlari mumkin. Shu bilan birga ular futbol va basketbol o'ynashadi",-deydi Ulan-Ude masjidining imomi Hamid Safiulloh.
Islamisemya.com xabariga ko'ra, qurilishning taxminiy qiymati 60 million rubl' bo'ladi. Bundan tashqari, ular hududni ko'kalamzorlashtirishni rejalashtirmoqdalar. Majmuaning loyihasi respublika eng yaxshi arxitektorlarining biri tomonidan tayyorlanmoqda.
O'zbekiston musulmonlari idorasi matbuot xizmati
“Network News Pakistan”: 2025 yilda O‘zbekiston Markaziy Osiyo aholisi uchun eng ommabop sayohat yo‘nalishi bo‘ldi
Pokistonning “Network News Pakistan” elektron nashri “O‘zbekiston turizmi o‘sish bo‘yicha Markaziy Osiyoda birinchi o‘rinni egalladi” sarlavhali axborot maqolani e’lon qildi, deb xabar qilmoqda “Dunyo” AA.
Unda Butunjahon sayohat va turizm kengashining (World Travel & Tourism Council – WTTC) “Sayohat va turizmning 2026 yilga qadar iqtisodiy ta’sirini o‘rganish” hisobotiga ko‘ra, 2025 yilda Markaziy Osiyo dunyoning eng tez rivojlanayotgan sayyohlik mintaqasiga aylangani ta’kidlangan.
“WTTC o‘z tadqiqotlarini dunyoni 13 ta yirik mintaqaga bo‘lgan holda olib boradi. 2025 yil yakunlariga ko‘ra, Markaziy Osiyo turizm sohasini rivojlantirishning bir nechta asosiy ko‘rsatkichlari bo‘yicha dunyoda birinchi o‘rinni egalladi. Shu bilan birga, O‘zbekiston bu ko‘rsatkichlarning barchasi bo‘yicha Markaziy Osiyo mamlakatlari orasida yetakchiga aylandi”, – deyilgan manbada.
Nashrda qayd etilishicha, 2025 yilda turizmning Markaziy Osiyo yalpi ichki mahsulotiga qo‘shgan umumiy hissasi 17,7 foizga, sohaning bevosita hissasi esa 19,6 foizga oshgan. Mintaqada turistik xizmatlar eksporti (visitor exports) yil davomida 26,4 foizga o‘sib, 9,9 milliard AQSH dollarini tashkil etdi.
Mintaqadagi turistik xizmatlar eksporti umumiy hajmining deyarli yarmi O‘zbekiston hissasiga to‘g‘ri keladi. Jumladan, 2025 yilda O‘zbekistonga 4,8 milliard AQSH dollari miqdorida turistik xizmatlarni eksport qilgan. WTTC ma’lumotlariga ko‘ra, 2025 yilda O‘zbekiston Markaziy Osiyo aholisi uchun eng ommabop sayohat yo‘nalishi bo‘ldi.
“Umuman olganda, bu ko‘rsatkichlar turizmning mintaqaviy xarakterga ega ekanini anglatadi. Markaziy Osiyo aholisi ko‘pincha o‘z mintaqasi ichida sayohat qiladi”, – deyiladi maqolada.
“Network News Pakistan” WTTC prognoziga tayanib yozishicha, 2036 yilga borib turizm sohasining Markaziy Osiyo iqtisodiyotiga qo‘shadigan umumiy hissasi 29,7 milliard AQSH dollariga yetadi.
O‘zbekiston musulmonlari idorasi Matbuot xizmati
