– Ona yoki ota qarg'ishi o'tadi (uradi), degan gaplar bor. Dinimizda bu haqda nima deyilgan?

– Ota-onaning dilini og'ritmaslik, ularga oq bo'lmaslik, ularning qarg'ishini olmaslik kerak. Aks holda farzandning dunyo va oxirati kuyib ketadi. Shuning uchun doim ularning dillarini shod qilishga, xizmatlarida kamarbasta bo'lishga, duolarini olishga harakat qilish shartdir. Bordi-yu, ulardan birini ranjitgan bo'lsa, tezda ularni xushnud qilishi, roziligini olishi shart. Vafot topgan bo'lishsa, haqlarida to'xtovsiz savob ishlarni qilib borishi lozim.

Muhammad Ayyub HOMIDOV