Sayt test holatida ishlamoqda!
21 Oktabr, 2025   |   29 Rabi`us soni, 1447

Toshkent shahri
Tong
05:23
Quyosh
06:41
Peshin
12:13
Asr
15:51
Shom
17:37
Xufton
18:49
Bismillah
21 Oktabr, 2025, 29 Rabi`us soni, 1447

Shotlandiyalik din peshvolari qashshoqlikka qarshi kurashmoqda

17.10.2021   1512   2 min.
Shotlandiyalik din peshvolari qashshoqlikka qarshi kurashmoqda

Shotlandiyadagi turli dinlarning rahbarlari siyosatchilarni qashshoqlikka qarshi kurash uchun chora ko'rishga undash uchun birlashdi. Shotlandiya Musulmonlar kengashi, katolik cherkovi, sikx qavmi va boshqa dinlarning vakillari imzolagan qo'shma bayonot qashshoqlikka qarshi haftalikning boshida e'lon qilindi. "Shotlandiyada hozir juda ko'p odamlar, jumladan, har to'rt boladan biri qashshoqlikning doimiy bosimi ostida yashamoqda", - deyiladi bayonotda.

"Jamoalarni qo'llab-quvvatlash, qashshoqlik iskanjasida yashovchi va ularning ovozlariga ko'pincha e'tibor berilmaydigan odamlarni himoya qilish va global isishning eng yomon oqibatlarini yumshatish uchun harakat qilish kerak".

Qashshoqlikka qarshi kurashish uchun to'g'ridan-to'g'ri harakat qilishga chaqirgan diniy rahbarlar, shuningdek, global isish va iqlim o'zgarishiga murojaat qilish ham muhtojlarga yordam berishning asosiy qismi hisoblanadi va ikkala inqiroz ham "bir-biriga bog'liq". "Biz, shuningdek, bu inqirozlar o'zaro bog'liq ekanligi, ayniqsa, qashshoqlik iskanjasida qolgan odamlar iqlim o'zgarishining eng katta ta'sirini boshlaridan o'tkazayotganligini tan olamiz", - deyiladi bayonotida.

"Biz duch kelayotgan muammolar qarshisida Shotlandiyaning diniy guruhlari Shotlandiyaning qashshoqlik changalidan ozod bo'lishiga va iqlim inqiroziga zudlik bilan javob berishiga umid bog'lamoqda".

"Bu shoshilinchlilik rahm-shafqat hissi bilan birga bo'lishi kerak".

Bayonot Shotlandiya musulmon Kengashidan Umar Afzal; Shotlandiya cherkovi, Bosh Assambleya moderatori Lord Jim Uolles, Shotlandiya katolik episkoplar konferentsiyasi nomidan Adolat va tinchlik bo'yicha Shotlandiya komissiyasi Prezidenti, episkop Uil'yam Nolan va Shotlandiya do'stlari diniy jamiyati (kvakerlar) Umumiy yig'ilishi kotibi Elizabet Allen tomonidan imzolangan.

Islam.ru xabariga ko'ra, 4 oktyabrdan 10 oktyabrgacha bo'lib o'tgan qashshoqlikka qarshi haftalik "qashshoqlik – bu biz hal qilishimiz mumkin bo'lgan muammo ekanligini ta'kidlashga chaqirilgan".

 

O'zbekiston musulmonlari idorasi matbuot xizmati

Dunyo yangiliklari
Boshqa maqolalar

Juma kuni tutsa bo‘ladimi?

20.10.2025   1519   1 min.
Juma kuni tutsa bo‘ladimi?

Savol: Dovud alayhissalom ro‘zasi haqida tushuncha bersangiz, uni juma kuni ham tutsa bo‘ladimi?

Javob: Bismillahir Rohmanir Rohiym. Dovud alayhissalom ro‘zasi haqida Imom Buxoriy rahimahulloh quyidagi hadisni rivoyat qilganlar:

Abul Abbos Makkiy aytadi: “Men Abdulloh ibn Amr ibn Oss roziyallohu taolo anhumoning shunday deganini eshitdim: “Nabiy sollallohu alayhi vasallam menga: “Sen doimo ro‘za tutar va kechalari ibodat qilar ekansan?” – dedilar. Men: “Ha”, dedim.

U zot alayhissalom: “Agar sen shunday qilsang, ko‘zing zaiflashib, nafsing toliqadi. Kim yil bo‘yi ro‘za tutsa, ro‘za tutmabdi. Har oyda uch kun ro‘za tutish – yil bo‘yi ro‘za tutish kabidir, dedilar.

“Men bundan ham ko‘prog‘iga qodirman”, dedim.

U zot alayhissalom: “Unda Dovud alayhissalomning ro‘zasini tut, u kishi bir kun ro‘za tutar va bir kun og‘zi ochiq bo‘lar hamda dushmanga yo‘liqqanda qochmas edi”, dedilar.

Kimdir mazkur hadisga amal qilib, Dovud alayhissalom ro‘zasini tutayotganda uning ro‘zasi juma kuniga to‘g‘ri kelib qolsa, hech karohiyatsiz joiz bo‘ladi.

Kishining nafl ro‘za tutishga odatlangan kunlari yoki Ashuro kuni kabi fazilatli ro‘zalar juma, shanba yoki yakshanba kunlaridan biriga to‘g‘ri kelib qolsa, shu kuni ro‘za tutishi durust bo‘ladi. Vallohu a’lam.

 

O‘zbekiston musulmonlari idorasi
Fatvo markazi.