Prezident Shavkat Mirziyoev Bahouddin Naqshband maqbarasini ziyorat qildi.
Qur'on tilovat etilib, Alloh taolodan xalqimizga tinchlik-farovonlik tilab duo qilindi.
Ulamolar bilan suhbatda ilmning ahamiyati, yoshlar tarbiyasi haqida so'z bordi.
- Buxoro azaldan ilm, ma'naviyat markazi. Qadimda bu erda 30 dan ortiq oliy madrasa bo'lgan. Hech qayerdan buncha ko'p ulamo chiqmagan. Bugun ham yoshlar tarbiyasida, jaholatga qarshi ma'rifat bilan kurashishda Buxoroning o'z o'rni bor, - dedi Shavkat Mirziyoev.
Davlatimiz rahbari ziyoratgohlarni va ularga olib boradigan yo'llarni obod qilish, ichki turizmni rivojlantirish muhimligini ta'kidladi.
- Ziyorat xalqimizning ajdodlarga bo'lgan hurmatini, yoshlar dunyoqarashini yuksaltirishga xizmat qiladi. Shuning uchun bu erga boshqa hududlardan yangi yo'nalishlar ochib, yoshlarni olib kelish, bilimini oshirish muhim, - dedi Prezident.
Shavkat Mirziyoev bugun hudud rivoji bilan tanishadi, shuningdek, O'zbekiston Prezidentligiga nomzod sifatida buxorolik saylovchilar bilan uchrashadi.
O‘zbekiston Respublikasi davlat mustaqilligining 34 yilligi munosabati bilan tizimdagi diniy soha xodimlari o‘rtasida “Vatan uchun, millat uchun, xalq uchun!” shiori ostida tashkil etilgan aql sporti — “Shaxmat” va “Shashka” musobaqalari o‘z yakuniga yetdi.
Tadbirda Buxoro viloyati hokimining o‘rinbosari Azizbek Qalandarov va O‘zbekiston musulmonlari idorasi Buxoro viloyati vakili, Mir Arab oliy madrasasi rektori Jobir domla Elov ishtirok etdi. Ular istiqlol bayrami munosabati bilan barchani samimiy tabriklab, bunday aqliy musobaqalarning ahamiyati yuqori ekanini ta’kidladi.
Imom-xatib va imom-noiblar ishtirokida o‘tgan bellashuvlar qizg‘in va shiddatli ruhda kechdi.
Shaxmat musobaqasi g‘oliblari:
1-o‘rin — Isoyev Mustaqim, Shofirkon tumani "Qori Fazliddin" masjidi imom-xatibi
2-o‘rin — Shukrullayev Qurbon, Vobkent tumani "Abdulazizxon" masjidi imom-xatibi
3-o‘rin — Odilov Haydarjon, Kogon tumani "Xo‘ja Ka’bul Axbor Vali" masjidi imom-xatibi
Shashka musobaqasi g‘oliblari:
1-o‘rin — Najmidinov G‘ayrat, Romitan tumani "Mahallai-bolo" masjidi imom-xatibi
2-o‘rin — Oripov Olim, Shofirkon tumani "Ahad hoji Qilich o‘g‘li" masjidi imom-xatibi
3-o‘rin — Bozorov Vahobiddin, Peshku tumani "Chiqirchi" masjidi imom-xatibi
G‘olib va sovrindorlar tashakkurnoma va qimmatbaho sovg‘alar bilan taqdirlandi.
O‘zbekiston musulmonlari idorasi
Buxoro viloyati vakilligi
Matbuot xizmati