“Vaqf” fondi tomonidan Jizzax viloyatidagi eshitish va gapirishda nuqsoni bo'lgan 150 ga yaqin hamyurtimiz uchun xayriya tadbir o'tkazildi. Unda Unda O'MI mutaxassisi M.Abubakirova, viloyat bosh imom-xatibi Mehmonxon domla Jabborov va boshqa mutasaddi vakillar qatnashdi.
Ma'rifiy uchrashuvda notiqlar Islomning mazmun-mohiyati tushuntirdi, missionerlar xataridan ogoh bo'lish, ularning tuzog'iga tushib qolmaslik to'g'risida ta'sirli ma'ruzalar qilishdi. Ushbu suhbatlar surdo tarjimonlar tomonidan yig'ilganlarga etkazildi.
Tashrif buyurganlar ichida adashganligini tan olganlar ham bo'ldi. Alhamdulillah, ushbu diniy-ma'rifiy suhbat natijasida turli sababga ko'ra adashib, missionerlarning ta'siriga tushib qolgan 60 ga yaqin eshitish va gapirish qobiliyati cheklangan kishilar hidoyat topdi. Bu esa yig'ilganlarning qalblarini hayajonga soldi, ko'zlaridan quvonch yoshlari oqishiga sabab bo'ldi.
Fond tomonidan tadbirdan so'ng ishtirokchilarga osh dasturxoni yozildi. Ziyofatdan keyin oziq-ovqat va diniy-ma'rifiy kitoblardan iborat xayriyalar berildi.
O'zbekiston musulmonlari idorasi matbuot xizmati
Bismillahir Rohmanir Rohiym
Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
Sarmoyangiz umringizdir...
Alloma Ibn al-Javziy o‘zining «Mudahish» nomli kitobiga bunday yozadi:
Bir kishi bor edi, u bozorda muz sotardi. Ovozini chiqarib bunday derdi: “Sarmoyasi erib ketayotgan odamga rahm qilinglar!”.
Bu kishi odamlarning yuragini yumshatib, ulardan muz sotib olishlarini so‘rardi. Chunki u sotadigan muz — vaqt o‘tishi bilan erib ketardi. Agar u muzini tezda sotib ulgurmasa, butun sarmoyasi yo‘q bo‘lib ketadi. Shuning uchun u bor ovozi bilan: “Sarmoyasi erib ketayotgan odamga rahm qiling!”.
Muzlab qolgan suvning har bir tomchisi sizning tark etgan umr lahzangiz kabidir, u endi hech qachon qaytmaydi.
Hayotingizdagi sanoqli kunlardan foydalaning…
Solihlardan biri aytadi: «Men “Asr” surasini yigirma yil o‘qidim, lekin uning ma’nosini tushunmasdim. “Nima uchun Alloh inson tabiatan ziyonda deb aytyapti va buni qasam bilan ta’kidlayapti?” deb o‘ylardim.
Keyin esa Alloh ziyondan najot topganlarni to‘rtta sifat bilan istisno qiladi:
– iymon keltirganlar,
– solih amal qilganlar,
– haqqa da’vat etganlar,
– sabrni tavsiya qilganlar.
Shunda men “Asr” surasidagi qasamning ma’nosini angladim: “Dunyodagi eng katta sarmoya bu – umringiz. Umringizdan o‘tgan har bir lahza erib ketgan muz kabi qaytib kelmaydi. Shuning uchun sarmoyangizni ehtiyot qiling! U siz yashab turgan vaqtdir. Ajal yetishidan avval tiriklik fursatidan foydalaning».
Alloh umrimizni uzun va xotimamizni chiroyli qilsin.
Sarmoyangizni o‘g‘irlayotganlarga e’tibor bering!
Har birimiz sarmoyamiz ya’ni vaqtimizni kim yoki nimalar zoye qilayotganini yaxshi bilamiz.
Allohni zikr qilishdan yoki U Zotga va Rasuliga itoat qilishdan boshqa narsa bilan vaqtni zoye qilmang.
Unutmang, sarmoyangiz — umringiz!
Maqsudali domla QOSIMOV,
Xo‘jaobod tumani “Yetti chinor” jome masjid imom-xatibi.