Ziyoratgohlardagi maqbaralar va u erdagi daraxtlarni muqaddas sanab, uni tavof qilish va unga sig'inish shirk amalidir.

Tilaklar ijobat bo'ladi, deya qabristondagi daraxtlarga latta bog'lash, qabrlar yoniga sham yoqish, qabr toshlarini o'pish bid'at va xurofot amallaridir.

Hech narsaga yaramaydigan oddiy bir lattani daraxtga bog'lab, hojatim ravo bo'ladi, deyish aqlga ham to'g'ri kelmaydi.

Qabrlar ziyorati oxiratni eslash uchundir.

Qabrlar ziyoratining asl mohiyatini unutib, aziz avliyolar qabrlariga borib, hojatlarini so'raydigan, baxt yoki farzand yohud ishiga rivoj tilab, istaklarini qabr sohiblaridan so'rash ulkan gunohdir.

Har qanday istak, tilaklarni faqat yolg'iz Allohdan so'ralishi kerak.

«Alloh: «Ikki ilohni ma'bud qilib olmangiz! Albatta, U yagona ilohdir! Bas, Mendangina qo'rqingiz!» – dedi. Osmonlardagi va Yerdagi barcha narsalar Uning mulkidir. Din (itoat qilish) Ungagina (bo'lishi) vojibdir. Allohdan o'zgasidan qo'rqasizmi?! Sizlarda qaysi bir ne'mat bor bo'lsa, albatta, u Allohdandir. Shuningdek, qachon sizlarga musibat etsa ham faqat Ungagina yolvorasizlar. So'ngra, sizlardan musibatni daf etgach, sizlarning orangizdan bir to'da kimsalar Parvardigorlariga shirk keltirurlar» (Nahl, 51-54).

Hanafiy mazhabidagi mo''tabar manbalardan biri «Raddul muhtor» kitobida shunday deyilgan:

«Halq tarafidan o'liklarga atab nazr qilish, Allohning do'stlari qabrlariga ularga yaqin bo'lish maqsadida tangalar tashlash, sham, chiroqlar yoqish botil va haromdir»

 t.me/oliymahad