Ertaga Islom qoidalariga ko'ra nasiya savdo mavzusida seminar bo'lib o'tadi
2021 yil 9 oktyabr, shanba kuni Toshkent shahrida «Islom moliyasi» loyihasi hamda «Islamic Business and Finance» (IsBF) kompaniyasi tomonidan «Islom moliyasi: nasiya savdo qoidalari, muammolari va echimlari, ijara hamda biznesda baraka omillari» mavzusida amaliy seminar o'tkaziladi.
Seminar davomida ishtirokchilar quyidagi bilim-ko'nikmalarga ega bo'lishadi.
– Islom moliyasi haqida asosiy tushunchalar;
– Islom moliya tizimi va an'anaviy moliya tizimi o'rtasidagi farqlar;
– Islom moliyasidagi asosiy taqiqlar;
– Islom moliyasida qo'llaniladigan savdo shartnomalari;
– Biznesda baraka omillari va boshqa turli xil mavzular.
Bundan tashqari:
– Bo'lib to'lash (xalq tilida «rassrochka» deb ham nomlanadi);
– Distrib'yutor/dilerlikning Islom moliyasiga muvofiq ko'rinishi;
– Shartnomalarda «jarima», «penya» kabi moliyaviy jazolar;
– An'anaviy lizingning Islom moliyasiga nomuvofiq bo'lgan jihatlari;
– Sarmoyani ko'paytirishning Islom moliyasi talablariga javob beradigan shakllari kabi masalalarga javob olish mumkin.
Ushbu seminar Islom moliyasi va bankchiligi bo'yicha ko'p yillik tajribaga ega mutaxassislar tomonidan o'tkaziladi. Jumladan, O'zbekiston musulmonlari idorasi bo'limi mudiri, «Zikr ahlidan so'rang» hay'ati a'zosi Muhammad Ayyub domla Homidov, Jahongir Imamnazarov, Muzaffarjon Nizomiddinov, Kozimxon To'rayev, Muzaffar Husniddinovlar ishtirok etishadi.
Shuningdek, barcha seminar-trening qatnashchilari uchun maxsus telegram guruhi ochiladi. Bu telegram guruhida barcha asosiy trenerlar ham bo'lishadi. Ishtirokchilar treningdan keyin ham amaliy savollariga javob olishlari mumkin.
Seminarda ishtirok etish narxi:
* 500 000 so'm (oflayn qatnashuvchilar uchun);
* 300 000 so'm (onlayn qatnashuvchilar uchun)
Ishtirok etishni istaganlar quyidagi havola orqali ro'yxatdan o'tishlari va to'lov qilishlari mumkin:
To'lovlarni qanday amalga oshirish mumkin?
Agar ishtirokchi jismoniy shaxs bo'lsa, to'lovlarni Payme ilovasi yordamida amalga oshirishi mumkin.
Yuridik shaxslar to'lovlarni o'z hisob raqamlaridan ham to'lash imkoniyati mavjud.
Shartnoma olish uchun menejer bilan bog'lanish lozim: @IsBF_Trening (telegram)
Qo'shimcha ma'lumotlar:+998992772000
Manba: Islom.uz
“Orta Lectura”: O‘zbekiston xavfsiz sayyohlik yo‘nalishi sifatida o‘z mavqeini mustahkamlamoqda
Ispaniyaning “Orta Lectura” nashrida O‘zbekistonda turizm sohasida amalga oshirilayotgan islohotlarga bag‘ishlangan maqola e’lon qilindi, deb xabar bermoqda “Dunyo” AA.
Maqolada qayd etilishicha, so‘nggi yillarda O‘zbekiston turli nufuzli xalqaro reytinglarda hamda xorijiy davlatlarning sayyohlar uchun tavsiyalarida yuqori xavfsizlik darajasiga ega mamlakatlardan biri sifatida e’tirof etilmoqda.
World Justice Project (WJP) tomonidan e’lon qilingan “Rule of Law Index 2025” natijalariga ko‘ra, O‘zbekiston “Tartib va xavfsizlik” ko‘rsatkichi bo‘yicha 143 ta mamlakat orasida 17-o‘rinni, Sharqiy Yevropa va Markaziy Osiyodagi 15 ta mamlakat orasida esa 1-o‘rinni egalladi.
WJP indeksi 215 mingdan ortiq fuqarolar hamda 4 ming 100 nafardan ziyod huquqshunos va ekspertlar o‘rtasida o‘tkazilgan so‘rovnomalarga asoslangani bilan ahamiyatlidir.
“Gallup” kompaniyasining “2025 Global Safety Report” ma’ruzasida ta’kidlanishicha, O‘zbekiston aholisining 86 foizi kechasi yolg‘iz yurganda o‘zini to‘liq xavfsiz his qiladi. Bu ko‘rsatkich dunyo bo‘yicha o‘rtacha 73 foizlik darajadan sezilarli darajada yuqoridir. Shu bilan birga, “Law and Order Index”ning kengroq ko‘rsatkichi bo‘yicha mamlakatimiz 100 dan 91 ball to‘pladi.
Institute for Economics & Peace tomonidan tuziladigan “Global Peace Index 2026” natijalariga ko‘ra, O‘zbekiston o‘z pozitsiyasini 30 pog‘onaga yaxshilab, 163 ta mamlakat orasida 1,726 ko‘rsatkich bilan 37-o‘ringa ko‘tarildi. 2026 yilgi rasmiy hisobotda mamlakatimiz tinchlik ko‘rsatkichlari eng yuqori sur’atda yaxshilangan davlatlar qatoriga kiritildi.
AQSH Davlat departamenti “Travel Advisories” tizimida O‘zbekistonga “Level 1 – Exercise Normal Precautions” darajasini, ya’ni “Odatiy ehtiyot choralariga rioya qilish” tavsiyasini bergan. 2026 yil yanvarda yangilangan tavsiyanomada xavf darajasi oshirilmadi. Bu AQSH Davlat departamenti tomonidan xalqaro sayohatlar uchun belgilanadigan eng past xavf darajasi hisoblanadi.
O‘zbekiston musulmonlari idorasi Matbuot xizmati
