Kanada har yil oktyabr' oyida islom tarixi oyligini nishonlaydi. Bu yil ushbu oylik doirasida o'zaro tajriba almashish, irqchilik va islomofobiya muammolariga barham berish ishlariga asosiy e'tibor qaratiladi.

Islom tarixi oyligi kanadaliklarga musulmonlarning boy merosi, ularning jamiyatga qo'shgan hissasidan xabardor qilish, ta'lim berish va boshqa xayrli ishlarda hamkorlik maqsad qilingan” – deb yozadi tadbir saytida.

2021 yilgi tadbir mavzusi “Mahalliy aholiga qarshi qo'llanilayotgan irqchilik va islomofobiyaga barham berish” deb nomlanadi.

Islom tarixi oyligida butun mamlakat bo'ylab musulmon jamoalari matbuot yig'inlari va to'garaklar tashkil qiladi, mahalliy aholini masjidlarga taklif etadi, badiiy ko'rgazmalar o'tkazadi.

Statistik ma'lumotlarga ko'ra, musulmonlar Kanadada eng tez rivojlanayotgan aholi qatlami sanaladi. Mamlakatda musulmonlar so'nggi o'n yil ichida 82 foizga o'sgan. Ya'ni 2001 yilda ularning soni 579 ming nafarni tashkil etgan bo'lsa, 2011 yilda bu ko'rsatgich 1 milliondan oshgan.

O'MI Halqaro aloqalar bo'limi