Avval xabar berganimizdek, shu yil 29 sentyabr' – 1 oktyabr' kunlari Qirg'iziston musulmonlari idorasi O'sh shahar qoziligi tomonidan o'tkazilgan “Islom — tinchlik tayanchi” mavzusidagi xalqaro ilmiy-amaliy anjuman bo'lib o'tdi. Ushbu anjumanda Toshkent shahridagi “Ubay ibn Ka'b” jome masjidi imom-xatibi, taniqli ulamo Abdulhakim qori Matkulov boshchiligida bir guruh yurtimiz ulamolaridan tashkil topgan delegatsiya mazkur anjumanda ishtirok etib etib qaytdi.
Quvonarli jihati, Qirg'iziston musulmonlari idorasi qarori bilan anjumanda ishtirok etgan yuqori martabali diniy ulamolar orasidan O'zbekiston musulmonlari idorasi delegatsiyasi rahbari, taniqli olim Abdulhakim qori Matqulov ta'lim-tarbiya hamda ko'p yillik din va ma'rifat sohadagi xizmatlari, ko'plab shogirdlar etishtirgani uchun “El ardoqlagan olim” faxriy yorlig'i bilan taqdirlandi.
Ushbu nufuzli faxriy yorliqni Abdulhakim qori Matqulovga O'sh shahar “Imom Hasan” jome masjidida juma namozi avvalida jamoat huzurida O'sh shahri bosh imom-xatibi Ubaydulla domla Sariebayev tomonidan topshirildi.
Alloh taboraka va taolo “El ardoqlagan olim” faxriy yorlig'ini taniqli ulamo Abdulhakim qori Matqulovga muborak aylasin.

O'zbekiston musulmonlari idorasi Matbuot xizmati