Aka va singil Shohida Rahmon va Kali Karim pandemiyadan keyin ko'pchilik duch kelgan qiyinchiliklardan odamlar omon qolishiga yordam berishga qaror qilishdi. Kembrijdan bir oila mahalliy masjid bilan hamkorlikda Etnik jamoalar forumi (CECF) va mashhur Mill Road Al-Amin oziq-ovqat do'koni egasi Abdulla Qayum, Covid-19 ga javoban Kembrij musulmon javobini tashkil etishdi.
Aka va singil qisqa vaqt ichida 5 600 funt sterling to'plashdi. Ularning sa'y-harakatlari tufayli koronavirus pandemiyasi tufayli o'zini oziq-ovqat bilan ta'minlay olmagan insonlarning ko'plarining hayoti saqlab qolindi.
Keyinchalik Shohida va Kali o'z tashabbuslarini rahmatli otalari sharafiga "Karim jamg'armasi" deb nomlangan xayriya tashkilotiga rasmiylashtirdi.
"Etnik guruhlarning ayrim vakillari oziq-ovqat bankidan yordam so'rashni xohlamaydi yoki uyaladi, ko'pchilik esa sukut saqlagancha jabr chekmoqda", - deydi musulmonlar.
Islam.ru xabariga ko'ra, 2020 yilning sentyabrida "Karim" jamg'armasi tashkil etilganiga bir yil bo'lganini nishonlaydi, ularning qaramog'ida oziq-ovqat oladigan, yoqilg'i, ko'rpacha, isitgich va dori-darmon bilan ta'minlanadigan 450 nafar kishi bor.
O'zbekiston musulmonlari idorasi matbuot xizmati
Mashina yo‘liga chiqib ketgan odamni ko‘rib haydovchi zo‘rg‘a to‘xtatib qoldi. Undan ham oldin yonidagi do‘sti tushasolib yo‘lovchining yoqasidan oldi. Uzr so‘rab dovdirayotgan odamni ko‘rib, haydovchi tez tushdi-da, do‘stidan uning yoqasini qo‘yib yuborishini so‘radi.
– Bu nima deganing?! Sal bo‘lmasa qamalib ketarding-ku buni deb, – yanada jahli chiqdi do‘stining.
– Sen uni qo‘yib yuboraver, gap bor... Bo‘ldi, aka, hushyor bo‘lib yetib oling... Yo‘q, shoshmang...
Haydovchi hatto u odamning qo‘liga pul ham berdi. Do‘stini hayron qoldirib, mashinaga qaytdi.
Do‘stining savol nazari bilan qarab turganini ko‘rib, izoh bera boshladi:
– Bir soatcha oldin dorixonaga kirgandim. Shu odamga ko‘zim tushgandi. Qo‘lida dorilar ro‘yxati yozilgan qog‘oz, puli yetmaganidan mung‘ayib turgan edi. Dorilar narxini eshitib, og‘ir qadamlar bilan chiqib ketgandi. Ortidan chiqib yordam bergim keldi. Lekin pulimni qizg‘ondim. Tashqariga chiqqanimda u onasi bilan gaplashib turgan ekan. Haligi odam onasi bilan gaplashib bo‘lgach: “Shuncha pulni qayerdan topaman? Yo Alloh! O‘zing yo‘l ko‘rsat, deganini eshitib ham indamay ketaverdim. Go‘yo unga pul bersam o‘zim och qoladiganday... Holbuki, Alloh taolo O‘z Kalomida: “Shayton sizlarni (xayr-ehson qilishda) kambag‘al bo‘lib qolishdan qo‘rqitadi” (Baqara surasi, 268-oyat) deya ogohlantirganini bilardim. Yana “Kimki (bir) hasana (savobli ish) qilsa, unga o‘n barobar (ko‘paytirib yozilur)” (An’om surasi, 160-oyat) degan va’dasini ham o‘qigandim. Baribir xomlik qildim. Sal bo‘lmasa o‘sha xasislik qilgan pulimdan o‘n, yuz hissasi chiqib ketadigan bir musibatga duchor bo‘lardim. Mayli, hechdan ko‘ra kech bo‘lsa ham, Alloh imkon berdi. Shuning uchun ayb u odamdamas, o‘zimda, deb bildim...
Ha, azizlar! Hayotimizda bunday holatlarga duch kelib turamiz. Avvalo, birov bilan tushunmovchilik bo‘lib qolsa u odamning ahvolini so‘raylik. Balki biror musibat yo tashvishda yurgandir. Darhol tilimizga kelgan so‘zlar bilan xaqorat qilib, urishib ketmaylik. Bunaqa vaziyatlarda shayton vasvasa qilishini unutmaylik. Xulosa qilishga shoshilmaylik. Hazrati inson degan nomga munosib ish tutaylik.
Akbarshoh Rasulov