Habaringiz bor, bugun, 28 sentyabr' kuni yurtimizdagi bir guruh taniqli ulamolarning Sirdaryo viloyatiga tashrifining ikkinchi kuni.
Ayni paytda ulamolar hududdagi masjidlarda namozxonlarga ma'rifiy suhbat qilib bermoqda. Ular internet va ijtimoiy tarmoqlar orqali uzatilmoqda.
Quyidagi manzillar orqali taniqli ulamolarning go'zal mav'izasini to'g'ridan-to'g'ri kuzatishingiz mumkin:
Sirdaryo tumanidagi “Ahmad ibn Malik” jome masjidida O'zbekiston musulmonlari idorasi bo'lim mudiri Alijon qori Fayzulla Maxdum o'g'li:
Hovos tumanidagi “Hovos” masjidida Toshkent shahar Yunusobod tumani bosh imom-xatibi Rahmatulloh domla Sayfuddinov:
Oqoltin tumanidagi “Hazrati Ali” masjidida O'zbekiston musulmonlari idorasi mas'ul xodimi Abror domla Muxtor Aliy:
O'zbekiston musulmonlari idorasi matbuot xizmati
Savol: O‘qilgan namozimdan ko‘nglim to‘lmadi. Shu namozni qayta o‘qishim kerakmi?
Javob: Bismillahir Rohmanir Rohiym. Bu masalaning biroz tafsiloti bo‘lib, unga ko‘ra namoz quyidagi holatlarda qayta o‘qilishi lozim:
• Namozda biror farz amal bajarilmay qolib ketgan bo‘lsa;
• Namozda biror vojib amal qasddan bajarilmay qolib ketsa;
• Namozda biror vojib amal unutib bajarilmasa va namoz oxirida sajdai sahv ham qilinmay tugatilgan bo‘lsa.
Agar namozda sunnat amallar tark qilingan bo‘lsa yoki namoz makruhlik bilan o‘qilgan bo‘lsa, u holda namozni qayta o‘qish vojib emas, balki mustahab (chiroyli sanalgan) ish hisoblanadi. Ushbu holatda qaytadan o‘qimasa ham gunohkor sanalmaydi.
Savolda so‘ralgan holatga kelsak, ko‘ngil to‘lmasligi yuqorida sanab o‘tilgan farz yoki vojib amal tark qilingan holatlar sababli bo‘lsa, namoz qayta o‘qilishi kerak. Ammo haqiqatda sobit bo‘lmagan shubha-gumonlar, vasvasalar sababli ko‘ngil to‘lmayotgandek bo‘lsa, u holda namozni qayta o‘qilmaydi. Chunki ko‘p hollarda “ko‘nglim to‘lmayapti”, deb namozni qayta-qayta o‘qiyverish insonni o‘ziga bo‘lgan ishonchini yo‘qotadi va vasvasa kasaliga chalinishiga olib keladi.
Shunday ekan, namozda bajariladigan farz, vojib, sunnat amallar haqida yaxshi o‘rganish, eng asosiysi turli xayollarga chalg‘imasdan namozni e’tibor bilan ado etish lozim bo‘ladi. Vallohu a’lam.
O‘zbekiston musulmonlari idorasi
Fatvo markazi.