Dinda savolim bor: Duo qilganimizdan so'ng “omin”, deymiz. Buning ma'nosi nima?
— Duo qilganimizdan so'ng “omin”, deymiz. Buning ma'nosi nima?
— “Omin”ning ma'nosi: – “Duoyimizni ijobat ayla!”, – “Ey, Allohim! Ijobat qil!” yoki – “Huddi shunday bo'lsin!” yoxud “Umidimizni muvaffaqiyatsizlikka uchratma!” kabilardir.
Ibn Hajar Asqaloniy rahimahulloh o'zining “Matolib al-oliya” asarida zikr qilishicha, bir yahudiy musulmonlardan “Omin” so'zini eshitib, imon keltirgan ekan: “Bir yahudiy “Omin” deyishayotgan masjid ahli yonidan o'tib ketayotgan edi. Shunda yahudiy: "Sizlarga “Omin”ni o'rgatgan zotga qasamki, sizlar haqqning ustidasizlar!” dedi”.
Yahudiy o'z dinida ham “Omin” so'zi borligi va u haq payg'ambarlardan meros qolganini bilgani bois musulmonlardan bu so'zni eshitib, ushbu dinning haqligiga amin bo'lgan.
“Omin” aytilganida, farishtalar ham uni aytishlari haqida sahih hadislar bor.
Muhammad Ayyub HOMIDOV
Paxtachi tumanida 60 nafar bola maktab uchun barcha zarur narsalar bilan ta’minlandi
Ularga maktab kiyimlari, poyabzal va ryukzaklar bepul berildi.
Xayriya aksiyasi Toshko‘prik masjidi imomi Doniyor Matlabov tashabbusi bilan o‘tkazildi, xabar bermoqda «Samarkandskiy vestnik» nashri.
Masjid ahli va homiylar ko‘magida 35 ta ehtiyojmand oila farzandlari uchun yangi o‘quv yiliga tayyorgarlik ko‘rish uchun barcha zarur narsalar xarid qilindi. Sovg‘alar maktab o‘quvchilariga topshirildi.
O‘zbekiston musulmonlari idorasi Matbuot xizmati
