Ulamolarimizning Navoiy viloyatiga tashriflari boshlandi. Ushbu uchrashuvlar namozxonlarning ma'rifatini, ma'naviyatini yanada yuksaltirib, ularga ko'tarinki ruh bag'ishlamoqda.

Hususan, bugun Toshkent shahar bosh imom-xatibi o'rinbosari ustoz Abduqahhor domla Yunusov Navbahor tumani “Shayx Abul Hasan Haraqoniy” masjidi namozxonlari bilan uchrashdilar. Peshin namozi ado etilgach, mo'min-musulmonlarga "Halqqa xizmat oliy fazilat" mavzusida amri-ma'ruf qildilar.

Darhaqiqat, mo'min banda doim xalq xizmatida bo'lishga va ularga manfaat etkazish harakatida bo'ladi. Abdulloh ibn Umar roziyallohu anhumodan rivoyati qilinadi. Nabiy salallohu alayhi vasallam: "Daraxtlar orasida bir daraxt bor, bargini tashlamaydi, u musulmonga o'xshaydi, aytinglar-chi, bu qaysi daraxt?" dedilar. Odamlar bundoq daraxt, undoq daraxt deb aytdilar. Men: «xurmo daraxti» demoqchi bo'ldim, lekin yosh yigit bo'lganim uchun aytishga uyaldim. Rasullox salallohu alayhi vasallam: "U xurmo daraxti" dedilar.

Demak Nabiy solallohu alayhi vasallam xalqqa foydasi ko'p tegadigan va yaxshiligi bardavomli mo'minni xurmo daraxtiga o'xshatdilar.

Shundan so'ng, ustoz Abduqahhor domla Yunusov aziz namozxonlarning qizirtirgan savollariga batafsil javoblar berdilar.

O'zbekiston musulmonlari idorasi Matbuot xizmati