Turkiyaning Sivas shahridagi masjid imomi Halil Ibrohim Yudjeal qog'ozga o'ralgan 2 ta oltin tanga topdi.
Islam.ru xabar berishicha, u o'z egasini topa olmadi, shuning uchun u oltin tangalar egasini topgan politsiyaga topshirdi.
Politsiya Sivas masjidi bog'ida Imom Halil Ibrohim Yudjeal topgan 2 ta oltin tanga egasini topdi, deb yozadi Sabah nashri.
Ta'kidlanganidek, imom yaqinda masjid yaqinida qog'ozga o'ralgan 2 tanga topdi. U o'z egasini topishga harakat qildi, lekin oxir-oqibat politsiyaga murojaat qildi.
Tangalar o'ralgan qog'oz elektr energiyasi uchun kvitantsiya edi. Politsiya abonent raqamini o'rnatdi va oltin tanga egasini topdi. Bu shu atrofda istiqomat qiluvchi Durmush Kaya bo'lib chiqdi.
"Ular meni tangalarimni o'ragan qog'oz bo'yicha topishdi. Men qayerda kvitantsiya va tillani yo'qotib qo'yganimni hali ham tushunmadim. Men masjidda namoz o'qiyotgan edim va u erda ularni yo'qotib qo'ydim. Ularni topganlardan Alloh rozi bo'lsin. Yaqinda turmush qurayotgan nevaramga tangalarni bermoqchi edim", - deydi u.
O'zbekiston musulmonlari idorasi matbuot xizmati
Rossiya Federatsiyasi hududida vaqtincha bo‘lib turgan fuqarolarimiz bilan doimiy muloqotni qo‘llab-quvvatlab turish, ularning haq-huquqlarini himoyalash, huquqiy ongini oshirish, ma’rifatini ziyoda qilish bo‘yicha suhbatlar o‘tkazish maqsadida O‘zbekiston delegatsiyasining Tatariston va Boshqirdistonga xizmat safari uyushtirildi.
Prezident Administratsiyasining topshirig‘i ijrosiga muvofiq O‘zbekiston Respublikasi Tashqi ishlar vaziri o‘rinbosari O. Abdullayev boshchiligida yurtimizning Rossiya Federatsiyasidagi Favqulodda va Muxtor elchisi B.Asadov, Bosh konsuli M.Xayriddinov va bir qator tegishli tashkilotlar vakillaridan tashkil topgan delegatsiya tarkibida O‘zbekiston musulmonlari idorasi vakili Ibrohimjon Inomov ham ishtirok etdi.
Vatandoshlarimiz bilan “Ota-onani rozi qilish – farzandlik burchi”, “Halol kasb – baraka kaliti”, “Milliy va diniy qadriyatlarimiz”, “Oilada farzand tarbiyasi”, “Aqidada adashmaylik!”, “Ijtimoiy tarmoqlardan foydalanish odobi”, “Islomda bag‘rikenglik”, “Islomda vatanparvarlik tushunchasi” mavzularida suhbatlar o‘tkazildi. Har qanday diniy mavzudagi ma’lumotlar borasida O‘zbekiston musulmonlari idorasiga tegishli rasmiy internet tarmoqlardan foydalanish tavsiya etildi. Turli diniy oqimlardan ehtiyot bo‘lish zarurligi – ham shariat ko‘rsatmasi, ham zamon talabi ekani ta’kidlandi.
Rossiya musulmonlari markaziy diniy idorasi raisi, muftiy Talgat Safa Tadjuddin hazrat delegatsiya a’zolarini qabul qilib, O‘zbekiston xalqiga mehri o‘zgacha ekanini bildirdi. Uchrashuv davomida O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining salomi esdalik hadyalari taqdim etildi. Muftiy Talgat Safa Tadjuddin hazrat mehmonlarni Diniy idora va uning qoshidagi Rossiya islom universiteti bilan tanishtirib chiqdi.
Xizmat safari davomida vatandoshlarimiz bilan bo‘lgan suhbatlarda bugun mamlakatimizda qilinayotgan ishlar to‘g‘risida to‘xtalinib, yurt tinchligi, xalq farovonligi va salomatligi, dinimiz ravnaqi yo‘lidagi islohotlar, yangiliklar haqida ham aytib o‘tildi.
O‘zbekiston musulmonlari idorasi
Matbuot xizmati