Agar qarzdor bo'lsangiz Rasululloh sollallohu alayhi vasallam ta'lim bergan quyidagi duolarni ixlos ila qiling. Alloh taolo duolaringizni ijobat etsin.

1. Allohumma inniy a'uzu bika minal ma'sami val mag'rami.
Allohim! Sendan ma'siyatdan va qarzdorlikdan panoh so'rayman

2. Allohumma inniy a'uzu bika minal hammi val hazani va a'uzu bika minal ajzi val kasali va a'uzu bika minal jubni val buxli va a'uzu bika min g'albatid dayni va qohrir rijali.
Allohim! Sendan g'am bosishidan, mahzunlikdan panoh so'rayman. Ojizlikdan, dangasalikdan panoh so'rayman. Qo'rqoqlikdan, baxillikdan panoh so'rayman. Qarzga botishdan va odamlarning qahridan panoh so'rayman.

3. Allohumma ikfiniy bi halalika a'n haromik va ag'niniy bi fazlika amman sivak.
Allohim! Menga haloling ila haromingdan kifoya qilgin. O'z fazling ila meni o'zingdan boshqalardan behojat qilgin.

O'zbekiston musulmonlari idorasi Matbuot xizmati