Aziz yurtdoshlar!
O'zbekiston musulmonlari idorasining siz sevgan nashrlari – “Hidoyat”, “Mo'minalar” jurnallari, “Islom nuri” gazetasi va qoraqalpoq tilidagi “Hidayat” jurnali, “Islam nurie” gazetasi yildan-yilga mazmunan boy, shaklan chiroyli bo'lib, obunachilari soni tobora ko'payib bormoqda.
2024 yilda ham “Tafsir”, “Hadis sharhi”, “So'ragan edingiz...”, “Aqida”, “Yaxshilikka chaqirish”, “Yomonlikdan qaytarish”, “Sahobalar hayoti”, “Musulmon odobi”, “Ogohlik”, “O'zbekiston ulamolari”, “Masjidlarimiz”, “Imomlarimiz” kabi ruknlar ostida turli masalalar bayoni, qiziqarli, ta'sirchan maqolalar, suhbatlar, fotolavhalar muntazam yoritiladi.
Azizlar! “Ma'rifat ulashish – eng ezgu amal” shiorini mahkam tutaylik. O'zingizni, oila a'zolaringizni, do'stlaringizni ilm-ma'rifat nuridan bebahra qoldirmang! Nashrlarimizga obuna bo'ling!
(71) 240 08 23
Yoki o'zingizga yaqin bo'lgan masjidga murojaat qiling!
O‘mon Sultonligining Masqat shahridagi "Hilton Muscat Al Bandar" majmuasida xalqaro forum bo‘lib o‘tdi. Shu yilning 15-16 noyabr kunlari o‘tkazilgan ushbu nufuzli anjumanda O‘zbekiston musulmonlari idorasi raisining birinchi o‘rinbosari Homidjon domla Ishmatbekov ham ishtirok etdi.
Mazkur xalqaro forum Birlashgan Millatlar Tashkilotining Genotsidning oldini olish va himoya qilish mas’uliyati bo‘yicha boshqarmasi (UNOSAPG), O‘mon Sultonligi Vaqf va diniy ishlar hamda Tashqi ishlar vazirliklari, shuningdek, "Din va an’anaviy tinchlikparvarlar tarmog‘i" (The Network for Religious and Traditional Peacemakers) hamkorligida tashkil etildi.
Tadbirning asosiy maqsadi kamsitish va zo‘ravonlikning oldini olish, shuningdek, o‘zaro muloqot, bag‘rikenglik va tinch-totuvlikni keng targ‘ib qilishda amaliy yondashuvlarni ishlab chiqishdan iborat bo‘ldi.
E’tiborlisi, forumning asosiy tadbirlari Birlashgan Millatlar Tashkilotining Xalqaro bag‘rikenglik kuniga (16 noyabr) to‘g‘ri kelgani o‘zaro hurmat va tinch-totuv yashash qadriyatlarini mustahkamlash uchun muhim maydon vazifasini o‘tadi.
Xalqaro tadbirda dunyoning turli davlatlaridan kelgan taniqli ulamolar, diniy va an’anaviy yetakchilar, hukumat vakillari, BMT va boshqa yirik xalqaro tashkilotlar mutasaddilari jam bo‘ldi. Forum dasturi doirasida muhim sessiyalar bo‘lib o‘tib, tinchlik va xavfsizlikni ta’minlashda xalqaro hamkorlik mexanizmlari hamda bag‘rikenglikni ilgari surishda diniy yetakchilar va ommaviy axborot vositalarining o‘rni kabi mavzularda yuqori darajadagi muhokamalar olib borildi.
Shuningdek, xalqaro tadbir doirasida yurtimiz vakillari dunyoning qator davlatlaridan tashrif buyurgan nufuzli ulamolar, diniy yetakchilar va soha mutaxassislari bilan uchrashuvlar o‘tkazdilar. Samimiy ruhda kechgan muloqotlar davomida diniy-ma’rifiy sohani rivojlantirish, sof Islom ma’rifatini keng yoyish hamda bugungi kunning dolzarb masalalari yechimi bo‘yicha o‘zaro tajriba almashildi.
O‘zbekiston vakillarining bunday nufuzli xalqaro anjumanlardagi ishtiroki yurtimizda olib borilayotgan diniy-ma’rifiy sohadagi islohotlar, dinlararo bag‘rikenglik va tinchliksevarlik tamoyillarini jahon hamjamiyatiga yetkazishda muhim ahamiyat kasb etadi.
O‘zbekiston musulmonlari idorasi Matbuot xizmati