Dubay elektr energetika va suv ta'minoti boshqarmasi (DYeWA) AQShdagi Ekologik qurilish kengashidan 83 ball olgan dunyodagi birinchi masjidni ochdi.

Islam.ru xabariga ko'ra, Hatta shahridagi masjid ekologik xavfsizlikning eng yuqori standartlariga muvofiq 600 dan ortiq namozxonlarni 1050 kvadrat metr maydonga sig'dira oladi.

"Barcha loyiha va tashabbuslarimizda barqarorlik va samaradorlikning eng yuqori standartlariga rioya qilishga intilamiz. Bu, vitse-prezident, bosh vazir va Dubay hukmdori Shayx Muhammad bin Rashid Al Maktum tomonidan boshlangan 2040 yilgacha bo'lgan davrda Dubay Bosh rivojlanish rejasiga muvofiq keladi", - dedi Said Muhammad Al Tayer, MD va DEWA bosh direktori.

Masjid majmuasida balandligi 25 metr bo'lgan minoralar, avtomobillar va mopedlar uchun mashinalar qo'yish joyi, zaryadlovchi stantsiya, shuningdek, diniy binoda "Qat'iyatli odamlar" (People of Determination) uchun barcha sharoitlar yaratilgan (Amirliklar "imkoniyati cheklangan odamlar" so'zi o'rniga nogironlarni aynan shunday chaqirishga qaror qilgan).

Masjid elektr energiyasi ishlab chiqarish uchun quyosh panellari, shuningdek, ishlatilgan suvni tozalash va qayta ishlash uchun uskunalar bilan jihozlangan.

O'zbekiston musulmonlari idorasi matbuot xizmati