Chechenistonda keng ko'lamli rekonstruktsiyadan so'ng 100 ga yaqin o'rta asrlarga oid arxitektura ob'ektlaridan iborat Sharoy tarixiy-me'moriy majmuasi ochildi, unda 25 ta turar-joy va 7 ta jangovar minora, shuningdek, 300 nafar namozxonga mo'ljallangan masjid qayta tiklandi. Islam.ru xabar berishicha, bu haqda mintaqa va hukumat rahbari matbuot xizmatida xabar berildi.

2019 yildan boshlab rekonstruktsiya ishlari amalga oshirildi. Bu vaqt mobaynida zikr etilgan minora va masjid asl holida — eski toshlarning saqlanib qolgan poydevorlarida qayta tiklandi.

Majmua chechen xalqi uchun katta ahamiyatga ega. Bu qachonlardir muhim yo'llar chorrahasida va strategik ahamiyatga ega tepalik ustida joylashgan qal'a bo'lgan edi va hozir u madaniy meros ob'ekti hisoblanadi.

O'zbekiston musulmonlari idorasi matbuot xizmati