Ispaniyaning “Real Madrid” jamoasi sobiq bosh murabbiyi, dunyoning eng mashhur musulmon futbolchilaridan biri Zayniddin Zidan Jazoirga mamlakatdagi oxirgi yong'inlardan keyin moliyaviy yordam ko'rsatdi, deb xabar beradi Shoot Africa.

Yong'inlar poytaxt Jazoir shahrining sharqida joylashgan Kabiliya mintaqasida sodir bo'lgan. Ommaviy axborot vositalarining xabar berishicha, Zidan zararni bartaraf etish uchun ikki million evro (hozirgi hisob bo'yicha 24 847 920 000 so'm) xayriya qilgan. Yong'in oqibatida kamida 65 kishi halok bo'lgan.

Ma'lumot uchun, Zidanning ota-onasi Kabiliyada yashagan, lekin urush boshlanganda Parijga ko'chib o'tgan. Biroz vaqt o'tgach, oila Marsel chekkasidagi La Kastellanga ko'chib o'tdi. U erda Jazoirning ko'plab mahalliy aholisi yashagan. Zidan futbolchilik faoliyatini shu erda boshlagan.

Zayniddin Zidan – mashhur futbolchi, Frantsiya terma jamoasining sobiq etakchisi, dunyoga mashhur sportchi va ayni paytda musulmon dindori sanaladi. Interv'yulardan birida jurnalistning u dindormi yoki yo'qligi haqidagi savoliga Zayniddin Zidandan hotirjam va to'g'ridan-to'g'ri: “Ha, men musulmonman. Men yaratgan yakkayu yagona Allohga ishonaman”, deya javob berdi.

O'MI Halqaro aloqalar bo'limi