Yaqinda oilamiz boshi olamdan o'tdi. Farzandlarim otasining qabriga rasmini yopishtirib qabr toshi qo'yishmoqchi. Shunday qilsa joiz-mi?
— Alloh rahmat qilsin. Farzandlaringiz otasiga rahm qilsa, bunday qilmasin. Avvalo bu sunnatga zid. Qolaversa, molning isrofi ham bor. Ikkisi ham shariatda man qilingan. Uning o'rniga otasi haqqiga to'xtovsiz borib turuvchi “sadaqai joriya”lardan birortasini qilsin. Ko'prik qurdirish, suv chiqarish, yo'llarni ta'mirlash, maktablarni tuzatib berish kabi ishlar sadaqai joriya hisoblanadi.
Muhammad Ayyub HOMIDOV
Oisha roziyallohu anhodan rivoyat qilinadi:
U kishi aytadilar: Bir kampir Nabiy sollallohu alayhi vasallamning huzurlariga keldi. U zot mening huzurimda edilar.
Rasululloh sollallohu alayhi vasallam unga: — «Siz kimsiz?» — dedilar. U: — «Men Jusama al-Muzaniyyaman», — dedi.
Rasululloh sollallohu alayhi vasallam: — «Yo‘q, siz — Hasona al-Muzaniyyasiz! O‘zingiz qandaysiz? Ahvollaringiz qanday? Biz ketgandan keyin qanday yashayapsizlar?» — dedilar. U: — «Yaxshimiz, otam va onam sizga fido bo‘lsin, ey Rasululloh sollallohu alayhi vasallam», — dedi.
Kampir chiqib ketgach, men dedim: — «Yo Rasululloh, shu kampirga bunchalik iliq munosabat ko‘rsatmasangiz?» Shunda u zot: — «U Xadicha zamonida uyimizga kelib turar edi. Eski tanishlar bilan chiroyli muomala qilish iymondandir», dedilar.
Homidjon qori ISHMATBЕKOV