Bugun, 11 avgust kuni Toshkent islom instituti Modul' ta'lim tizimi uchun test sinovlari bo'lib o'tdi.
Dastlab, abituriyentlar karantin chora-tadbirlariga muvofiq, institut hovlisidagi ochiq havodagi imtihon o'tkaziladigan joydagi partalarga joylashtirildi. Uni intitut rektori U.G'afurov kirish so'zi bilan ochib berdi.
So'ng institut xodimi Kozimxon qori Asrorovning Qur'on tilovati va ustozlarning xayrli duolar qilishdi.
Kirish imtihoni avvalida Din ishlari bo'yicha qo'mita raisining birinchi o'rinbosari M.Komilov va O'zbekiston musulmonlari idorasi raisi o'rinbosari I.Inomov bo'lajak tolibi ilmlarga muvaffaqiyat tiladi.
Shundan so'ng O'zbekiston musulmonlari idorasi Ta'lim va ilmiy-tadqiqot bo'limi boshlig'i Salohiddin Sherxonov, Diniy-ma'rifiy ta'lim muassasalari bilan ishlash bo'limi boshlig'i Bobomurod Rustamovlar, qabul hay'ati a'zolari, abituriyentlar va ota-onalar guvohligida imtihon biletlari solingan va muhrlangan maxsus qoplar ochildi.
Keyin test savollar kitobidan foydalanish va javoblar varaqasini to'g'ri bo'yash bo'yicha tushuncha berildi. Test materiallari abituriyentlarga tarqatilgach, ularni echish uchun 2 soat vaqt ajratildi.
Eslatib o'tamiz, Modul' ta'limida kamida 5 yil mobaynida masjidlarda ishlab kelayotgan o'rta maxsus diniy ma'lumotli imom-xatiblar o'qishi mumkin. “Imom-xatib” talabalar Modul' tizimida to'lov-kontrakt asosida masjiddagi ish faoliyatidan bo'shamagan holda, 3 yil tahsil oladi.
Ma'lumot uchun, 2021-2022 o'quv yili uchun Toshkent islom instituti Modul' ta'lim tizimiga modul.muslim.uz sayti orqali 192 nafar abituriyent ariza topshirgan edi.
Test sinovi jarayoni onlayn uzatildi. Quyida ushbu videoni tomosha qilishingiz mumkin:
















O'zbekiston musulmonlari idorasi matbuot xizmati
Bugun, 11 dekabr kuni O‘zbekiston musulmonlari idorasida kasb-mahoratini oshirgan masjidlar muazzinlariga ijozat shahodatnomasi topshirish marosimi bo‘lib o‘tdi. Tadbirda taniqli ulamolar, tajribali imom-xatiblar, diniy ta’lim muassasalari ustoz-talabalari, malakali muazzinlar va mehnat faxriylari ishtirok etdi.
Tadbir Qur’oni karim qiroati va xayrli duolar bilan boshlandi.
Marosimda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari so‘zlab, keyingi yillarda mamlakatimizning barcha jabhalarida bo‘lgani kabi diniy-ma’rifiy sohada ham ko‘lamli islohotlar bo‘layotgani, Davlat Rahbari tomonidan sohaga qaratilayotgan alohida e’tibor natijasida bugungi yuksalishlarga erishilayotgani haqida aytib o‘tdilar. Xususan, Diniy idora tomonidan yurtimiz masjidlarida yangrayotgan azon ohanglari yanada go‘zal bo‘lishi uchun sa’y-harakatlar olib borilayotganiga urg‘u berdilar.
So‘zga chiqqan Qur’on va tajvidni o‘rgatish bo‘limi boshlig‘i Shayx Alijon qori Fayzulloh Maxdum o‘g‘li Muftiy hazratlari tashabbusi bilan imom-xatiblar qiroatini yaxshilash va muazzinlarning azon aytishlarini chiroyli qilish bo‘yicha xayrli ishlar yo‘lga qo‘yilgani, bu borada mo‘tabar manbalar va zamonaviy usullar asosida o‘quv rejalari ishlab chiqilgani, qariyb besh yil davomida Qoraqalpog‘iston Respublikasi, viloyatlar hamda Toshkent shahrida ikki mingdan ziyod muazzin uchun azon va iqoma bo‘yicha o‘quv seminarlar, onlayn va oflayn mashg‘ulotlar olib borilgani, mazkur amaliy mashg‘ulotlar davomida baholash mezonlariga ko‘ra saralab olingan 196 nafar muazzin maxsus o‘qitilgani, bugun ularning 70 nafardan ziyodiga ijozat shahodatnomalari berilayotgani haqida to‘xtaldi.
Tadbir davomida ishtirokchilarga muazzinlarning malaka oshirish darslari jarayonlaridan videolavha namoyish etildi. Shuningdek, malakali muazzinlarning azon sadolari tinglandi.
Shundan so‘ng azon va iqoma aytish bo‘yicha ijozat shahodatnomalarini topshirish marosimi bo‘lib o‘tdi. Unda Muftiy hazratlari va Shayx Alijon qori tomonidan malaka oshirgan bir guruh muazzinlarga ijozat shahodatnomalari va kitoblar to‘plami topshirildi.
Shuningdek, Muftiy hazratlari tomonidan o‘quv mashg‘ulotlarini tashkil etish va o‘tkazishda jonbozlik ko‘rsatgan Shayx Alijon qori boshchiligidagi ustozlarga tashakkurnomalar berildi.
O‘zbekiston musulmonlari idorasi
Matbuot xizmati