Sayt test holatida ishlamoqda!
11 Avgust, 2026   |   28 Safar, 1448
search icon
Avvalgi sayt
ЎЗ РУ EN AR

Toshkent shahri
Tong
03:58
Quyosh
05:28
Peshin
12:30
Asr
17:24
Shom
19:32
Xufton
21:00
Bismillah
11 Avgust, 2026, 28 Safar, 1448
Avvalgi sayt
#search
 YouTube

Hushxabar: Ijoza berish an'anasi yo'lga qo'yildi

06.08.2021   4372   2 min.
Hushxabar: Ijoza berish an'anasi yo'lga qo'yildi

Habaringiz bor, ikki oydan beri ulamolarimiz keng xalq ommasi bilan uchrashib, chekka hududlardagi aholi bilan muloqotlar, jome masjidlarda mav'izalar va ehtiyojmand oilalarga yordamlar ko'rsatib kelmoqdalar.
Allohga shukrki, Qur'oni karimga muxlis xalqimizning istaklarini inobatga olgan holda yurtimizda Allohning kalomini o'rganish va o'rgatish borasida juda katta ishlar amalga oshirilmoqda. Ayniqsa, ona-Vatanimizda Mushafi Sharif chop etilishi, qorilar musobaqalari o'tkazilishi va Qur'on kurslari kengayishini alohida qayd etish mumkin.
Mana shunday quvonchli voqealar davom etib, diyorimizdagi malakali qori ustozlarga Qiroat ilmi bo'yicha Ijoza taqdim etish kabi xayrli ana'na joriy etildi. Qiroat ilmi ustozi, 10 ta qiroat sohibi Shayx Alijon qori Fayzulloh Maxdum o'g'li mana shunday xayrli ishni boshlab berdilar.
Aytish kerakki, Shayx Alijon qori Qur'oni karim va tajvid ilmi matnlari bo'yicha eng mo''tabar ustozlarning ijozalarini olgan. Shuningdek, u dunyodagi mashhur qiroat allomalariga Qur'oni karimni tabarrukona o'qib bergan. Shayx Alijon qori dunyoning ko'plab qiroat ilmi ulamolari tomonidan e'tirof etilgan zabardast qorilardan biri. U Qur'on ta'limida minglab shogirdlarning ustozi sanaladi.
Mazkur safarlar davomida Shayx Alijon qori Fayzulloh Maxdum o'g'li tomonlaridin Surxondaryo viloyatidagi Imom Termiziy o'rta maxsus diniy ta'lim muassasasining “Qur'oni karim va tajvid” kursi o'qituvchisi Muzaffar qori Ahmedov, Qashqadaryo viloyatidagi “Hoja Buxoriy” o'rta maxsus diniy ta'lim muassasasi o'qituvchilari Saidmuhammad qori Muhibullayev, Akbarxon qori Asqarov va Qarshi shahar “Ko'k gumbaz” jome masjidi xodimlari Yahyoxon qori Ahmedov va Abusaidxon qori Valiyevga Qur'oni karimning tegishli sura va oyatlari bo'yicha Ijoza shahodatnomalari taqdim etildi.
Ma'lumot o'rnida, Ijoza – ijoza beruvchi shayx (muqriy)dan ijoza oluvchi tolib (qoriy)ga o'qish va o'qitish uchun beriladigan shahodatdir. Ijoza – avloddan avlodga Qur'oni karimni ovoz ila naql qilishlik amaliyotidir. Unga ko'ra, ijoza beruvchini «Albatta, ijoza oluvchining tilovati bir rivoyat yoki rivoyatlarga ko'ra yuz foiz to'g'ri bo'ldi», deb guvohlik berishi hamda unga Qur'oni karimni o'qish va o'zidan boshqasiga o'qitish uchun izn (ruxsat) berishidir.
Alloh taolo qorilarimizning ilmlarini yanada ziyoda qilsin, olgan ijozalarini muborak aylasin.

O'zbekiston musulmonlari idorasi Matbuot xizmati

O'zbekiston yangiliklari
Boshqa maqolalar
Yangiliklar

Banklar va mikromoliya tashkilotlari o‘z faoliyatini islomiy bank faoliyatiga o‘zgartirishi mumkin

11.08.2026   15367   2 min.
Banklar va mikromoliya tashkilotlari o‘z faoliyatini islomiy bank faoliyatiga o‘zgartirishi mumkin

Adliya vazirligi Mikromoliya tashkiloti va bank faoliyatini o‘zgartirish tartibi to‘g‘risidagi nizomga o‘zgartirish va qo‘shimchalarni davlat ro‘yxatidan o‘tkazdi (ro‘yxat raqami 3656-1, 01.08.2026 y.), xabar bermoqda huquqiyaxborot Telegram kanali.

Mazkur idoraviy hujjat "O‘zbekiston Respublikasining ayrim qonun hujjatlariga O‘zbekistonda islomiy bank faoliyatini joriy etishga qaratilgan qo‘shimcha va o‘zgartirishlar kiritish to‘g‘risida" 2026 yil 27 martdagi O‘RQ–1126-son Qonunga muvofiq ayrim kredit tashkilotlari faoliyatini o‘zgartirishning quyidagi tartib-taomillarini belgilaydi:

  • mikromoliya tashkilotini faqat islomiy bank faoliyatini amalga oshiruvchi mikromoliya bankiga o‘zgartirish;
  • faqat islomiy bank faoliyatini amalga oshiruvchi mikromoliya bankini faqat islomiy bank faoliyatini amalga oshiruvchi bankka o‘zgartirish;
  • faqat islomiy bank faoliyatini amalga oshiruvchi bankni faqat islomiy bank faoliyatini amalga oshiruvchi mikromoliya bankiga o‘zgartirish;
  • faqat islomiy bank faoliyatini amalga oshiruvchi mikromoliya bankini mikromoliya tashkilotiga o‘zgartirish;
  • bankni faqat islomiy bank faoliyatini amalga oshiruvchi bankka o‘zgartirish.

Shuningdek, o‘z faoliyatini faqat islomiy bank faoliyatini amalga oshiruvchi bankka o‘zgartirishga faqat islomiy bank faoliyatini amalga oshiruvchi mikromoliya banki haqli.

Mikromoliya bankini davlat ro‘yxatidan o‘tkazish va bank faoliyatiga doir tegishli litsenziya (litsenziyalar) olish uchun nogironligi bo‘lgan shaxslar uchun mikromoliya banki binolarida shaharsozlik normalari va qoidalarida belgilangan talablarga muvofiq qulay shart-sharoitlar yaratilganligi bo‘yicha Qurilish va uy-joy kommunal xo‘jaligi sohasida nazorat qilish inspeksiyasining xulosasi mavjud bo‘lishi kerak.

Tashabbus Fors ko‘rfazi mamlakatlaridan investitsiyalarni jalb qilishga qaratilgan bo‘lib, dastlabki hisob-kitoblarga ko‘ra, ushbu chora-tadbirlarni amalga oshirish iqtisodiyotga depozitlar va to‘g‘ridan to‘g‘ri investitsiyalar ko‘rinishida taxminan 1 milliard dollar jalb qilishi mumkin. Mutaxassislarning prognozlariga ko‘ra, 2035 yilga borib O‘zbekiston ushbu tizim ishga tushirilgandan beri dunyoda islom moliyasining eng tez o‘sishini namoyish etadi.

O‘zbekiston musulmonlari idorasi Matbuot xizmati

O'zbekiston yangiliklari
#logo