TANIQLI ULAMOLARNING NAVBATDAGI TAShRIF MANZILI – QAShQADARYo
Shu yil 3 avgust kuni yurtimizdagi bir guruh taniqli ulamolarning Qashqadaryo viloyatiga tashriflari boshlanadi.
Safar davomida ma'naviy-ma'rifiy uchrashuvlar, olis va chekka hududlardagi aholi vakillari bilan yuzma-yuz muloqotlar, taniqli ulamolar ishitirokida jome masjidlarda suhbatlar o'tkazilishi va ehtiyojmand oilalar holidan xabar olish kabi xayrli ishlarni amalga oshirish maqsad qilingan.
Shuningdek, viloyat ahlini yurtimizda bo'layotgan o'zgarishlar mazmun-mohiyati haqida xabardor qilish bilan bir qatorda, ularning dardu tashvishlariga ko'maklashish, fikr-mulohazalarini tinglash va diniy sohaga tegishli muammolarini joyida o'rganib, bartaraf etish ham ko'zda tutilgan.
Ushbu safarga quyidagi Ulamolarimiz tashriflari ko'zda tutilgan:
O'zbekiston musulmonlari idorasi raisining birinchi o'rinbosari Homidjon qori Ishmatbekov;
O'zbekiston musulmonlari idorasi raisining o'rinbosari Ibrohimjon domla Inomov;
O'zbekiston musulmonlari idorasi raisining maslahatchisi Salohiddin domla Sharipov;
O'zbekiston musulmonlari idorasi bo'lim boshlig'i Erdon domla Esonov;
Toshkent shahar “Oltintepa” masjidi imom noibi Islomiddin domla Zuxriddinov;
Yunusobod tumani bosh imom-xatibi Rahmatulloh domla Sayfuddinov;
Toshkent shahar “Burhoniddin Marg'inoniy” masjidi imom-xatibi Abdulhamid domla Tursunov;
Toshkent shahri “Ubay ibn Ka'b” masjidi imom-xatibi Abdulhakim qori Matqulov;
Toshkent shahar “Islomota” masjidi imom-xatibi Yo'ldoshali domla Karimov;
Toshkent shahar “Omina” masjidi imom-xatibi Yusuf domla Muhiddinov;
Toshkent shahri “Rakat” masjidi imom-xatibi Robbimqul domla Muhammadiyev;
Toshkent shahar “Ahmad Yassaviy” masjidi imom-xatibi Murodulla domla Hunnazarov;
Toshkent shahar “Dorussalom” masjidi imom-xatibi Muhammadrahim domla Abduqodirov;
Toshkent shahar “Umar ibn Hattob” masjidi imom-xatibi Mansur domla Daminov;
Qolaversa, ushbu muloqot va tadbirlarda Prezident maslahatchisi Shoazim Minovarov, Din ishlari bo'yicha qo'mita raisining birinchi o'rinbosari Muzaffar Komilov va boshqa mutasaddilar ham ishtirok etishi reja qilingan.
Alloh taolo viloyatimizga ulamolarimiz safarini xayrli va manfaatli qilsin!
O'MI Qashqadaryo viloyat vakilligi matbuot xizmati.
•┈┈•┈┈•⊰✿???✿⊱•┈┈•┈┈•
Yaqinlaringizga ham ulashing!
https://t.me/joinchat/S8c2omyVIb1MadlE
https://t.me/joinchat/AAAAAFLbtImNQqKWruwBuA
18 avgust — Usmon Mus'hafi Toshkentga qaytgan kun
18 avgust Toshkentning nafaqat diniy, balki madaniy va ilmiy merosi tarixida muhim o‘rin tutuvchi sana. Qur’oni Karimning eng qadimiy qo‘lyozmalaridan biri sifatida e’zozlanadigan Usmon Mus'hafi asrlar davomida Markaziy Osiyo tarixining turli bosqichlariga guvoh bo‘lib kelgan, xabar bermoqda iccu.uz.
Ushbu nodir qo‘lyozma yirik hajmdagi pergament varaqlarga yozilgan bo‘lib, matni qadimiy Hijoz xatida bitilgan. Mus'hafda hozirgi arab yozuvidagi nuqta va harakat belgilari mavjud emas. Manbalarda uning saqlanib qolgan qismi 338 yoki 353 varaqdan iborat ekani haqida turli ma’lumotlar uchraydi. Ayrim yo‘qolgan pergament varaqlar keyinchalik qog‘oz bilan almashtirilgan. Qo‘lyozmaning aniq sanasi xususida ilmiy adabiyotlarda turli qarashlar mavjud.
Tarixiy ma’lumotlarga ko‘ra, Mus'haf uzoq yillar Samarqandda saqlangan. 1868–1869 yillarda u Sankt-Peterburgga olib ketilgan va Imperator xalq kutubxonasiga topshirilgan. 1905 yilda qo‘lyozmaning 50 ta faksimile nusxasi ko‘chirilgan. 1917 yildagi siyosiy o‘zgarishlardan keyin musulmon ulamolarining talabi bilan Mus'haf avval Ufaga, keyin esa O‘rta Osiyoga qaytarilishi jarayoni boshlangan.
1924 yilda Usmon Mus'hafi Tatariston, Boshqirdiston va Turkiston ulamolaridan tashkil topgan maxsus kuzatuvchilar hamrohligida maxsus poyezd orqali Ufadan Toshkentga olib kelindi. Toshkentga olib kelinganidan so‘ng Mus'haf bir muddat shahardagi masjidlardan birida saqlandi. Keyinchalik uning asrab-avaylanishini ta’minlash maqsadida O‘zbekiston tarixi davlat muzeyiga topshirildi.
1989 yil 14 mart kuni Toshkentda bo‘lib o‘tgan Musulmonlarning IV quriltoyida O‘zbekiston hukumati qarori bilan Usmon Mus'hafining musulmonlar ixtiyoriga qaytarilgani e’lon qilindi. Keyinchalik u O‘zbekiston musulmonlari idorasi ixtiyoriga topshirildi. Mus'haf bir muddat Hazrati Imom majmuasidagi «Mo‘yi Muborak» madrasasi muzey-kutubxonasida maxsus sharoitda ham saqlandi.
Usmon Mus'hafining tarixiy va madaniy ahamiyati xalqaro miqyosda ham e’tirof etilgan. 1997 yilda qo‘lyozma YUNЕSKOning «Memory of the World» — «Jahon xotirasi» dasturi ro‘yxatiga kiritilgan.
2025 yil 13 noyabr — Usmon Mus'hafi tarixida yana bir muhim sana. Aynan shu kuni nodir qo‘lyozma O‘zbekistondagi Islom sivilizatsiyasi markaziga olib kelindi. Bugun Qur’on zalidagi asosiy eksponatlardan biri sifatida alohida o‘rin egallab, yurtimizning ko‘p asrlik diniy, ilmiy va ma’naviy merosini namoyon etuvchi bebaho yodgorlik sifatida taqdim etilgan. Shuningdek, Markazda turli davrlarda Somoniylar, Qoraxoniylar, Xorazmshohlar va Temuriylar davrida ko‘chirilgan Qur’on nusxalarini ham ko‘rish mumkin. Usmon Mus'hafi tarixi bu faqat bir qo‘lyozmaning tarixi emas. Bu asrlar osha saqlangan ilmiy va ma’naviy meros, uni asrab-avaylagan avlodlar xotirasi va O‘zbekiston zaminida shakllangan buyuk islom sivilizatsiyasining uzviy davomiyligi haqidagi tarixdir.
O‘zbekiston musulmonlari idorasi Matbuot xizmati
