TANIQLI ULAMOLARNING NAVBATDAGI TAShRIF MANZILI – SURHONDARYo
Shu yil 28 iyul' kuni yurtimizdagi bir guruh taniqli ulamolarning Surxondaryo viloyatiga tashriflari boshlanadi.
Safar davomida ma'naviy-ma'rifiy uchrashuvlar, olis va chekka hududlardagi aholi vakillari bilan yuzma-yuz muloqotlar, taniqli ulamolar ishitirokida jome masjidlarda suhbatlar o'tkazilishi va ehtiyojmand oilalar holidan xabar olish kabi xayrli ishlarni amalga oshirish maqsad qilingan.
Shuningdek, viloyat ahlini yurtimizda bo'layotgan o'zgarishlar mazmun-mohiyati haqida xabardor qilish bilan bir qatorda, ularning dardu tashvishlariga ko'maklashish, fikr-mulohazalarini tinglash va diniy sohaga tegishli muammolarini joyida o'rganib, bartaraf etish ham ko'zda tutilgan.
Ushbu safarga Toshkent shahridan quyidagi ulamolarimiz borishlari ko'zda tutilgan:
O'zbekiston musulmonlari idorasi raisining birinchi o'rinbosari Homidjon qori Ishmatbekov;
O'zbekiston musulmonlari idorasi raisining o'rinbosari Ibrohimjon domla Inomov;
O'zbekiston musulmonlari idorasi raisining maslahatchisi Salohiddin domla Sharipov;
O'zbekiston musulmonlari idorasi bo'lim boshlig'i Erdon domla Esonov;
Toshkent shahar bosh imom-xatibi o'rinbosari Abduqahhor domla Yunusov;
Yunusobod tumani bosh imom-xatibi Rahmatulloh domla Sayfuddinov;
Yashnobod tumani bosh imom-xatibi Fazliddin domla Allayorov;
Farg'on viloyati Toshloq tumani bosh imom-xatibi Shukrulloh domla Egamberdiyev;
Toshkent shahri “Ubay ibn Ka'b” masjidi imom-xatibi Abdulhakim qori Matqulov;
Toshkent shahri “Shayx Muhammad Sodiq Muhammad Yusuf” masjidi imom-xatibi Ismoil domla Muhammad Sodiq;
Toshkent shahri “Rakat” masjidi imom-xatibi Robbimqul domla Muhammadiyev;
Toshkent shahar “Yakkasaroy” masjidi imom-xatibi Salohiddin domla Tashanov;
Toshkent shahar “Dorussalom” masjidi imom-xatibi Muhammadrahim domla Abduqodirov;
Toshkent shahar “Umar ibn Hattob” masjidi imom-xatibi Mansur domla Daminov;
Qolaversa, ushbu muloqot va tadbirlarda Prezident maslahatchisi Shoazim Minovarov, Din ishlari bo'yicha qo'mita raisi Sodiqjon Toshboyev va boshqa mutasaddilar ham ishtirok etishi reja qilingan.
Alloh taolo viloyatimizga ulamolarimiz safarini xayrli va manfaatli qilsin!
O'zbekiston musulmonlari idorasi matbuot xizmati
@muslimuzportal | @mp3muslim | @diniysavollar
O‘zbekiston xalqaro islomshunoslik akademiyasi o‘qituvchilari Al-Azharda malaka oshirdi
O‘zbekiston xalqaro islomshunoslik akademiyasi o‘qituvchilari Misrdagi Al-Azhar xalqaro imom va voizlar tayyorlash akademiyasida malaka oshirdi, deb xabar bermoqda “Dunyo” AA.
Delegatsiya a’zolari ikki haftalik o‘quv dasturi davomida misrlik islomshunos olimlar bilan arab tilini o‘rganish, ta’lim tizimida innovatsion texnologiyalardan keng foydalanish, islomshunoslik yo‘nalishidagi yangi yondashuvlar va ko‘nikmalar xususida fikr-mulohazalar almashdi.
Malaka oshirish kurslari doirasida Al-Azharda faoliyat yurituvchi taniqli imomlar tomonidan ma’ruzalar tashkil etildi. Xususan, professor Ahmad at-Tayyib turli mamlakatlardan kelgan ulamolar, tadqiqotchilar va professor-o‘qituvchilarning kasbiy salohiyatini oshirish hamda xalqaro ilmiy-akademik hamkorlikni mustahkamlash borasida alohida to‘xtalib o‘tdi.
Dastur davomida arab tilini o‘qitishning zamonaviy strategiyalari, ilg‘or pedagogik yondashuvlar va til ko‘nikmalarini amaliyotga samarali tatbiq etish masalalariga bag‘ishlangan ma’ruzalar, amaliy mashg‘ulotlar hamda seminarlar ham o‘tkazildi.
O‘quv dasturi so‘nggida Al-Azhar xalqaro akademiyasi prezidenti, professor Hasan as-Sag‘ir hamda O‘zbekistonning Misrdagi elchixonasi vakili tinglovchilarning bilim olishga bo‘lgan ishtiyoqi va faolligini yuqori baholab, ushbu kurs xalqaro miqyosda ilmiy va da’vat salohiyatini oshirishga xizmat qilishini ta’kidladi.
Uchrashuvda kurs davomida tayyorlangan eng yaxshi amaliy loyihalar mualliflari alohida e’tirof etildi. Shuningdek, O‘zbekiston xalqaro islomshunoslik akademiyasi o‘qituvchilariga sertifikatlar tantanali ravishda topshirildi.
O‘zbekiston musulmonlari idorasi Matbuot xizmati
- «
- »