“Jumadan jumagacha” (09.02.2024)
O'tgan haftada diniy-ma'rifiy sohada ro'y bergan muhim xabarlarning qisqacha tafsiloti
00:58 Muftiy hazrat Birlashgan Arab Amirligidagi nufuzli tadbirda ishtirok etmoqdalar
03:13 Ramazon oyi uchun umra narxlari e'lon qilindi
03:47 Har bir murojaat ortida inson taqdiri turibdi
04:29 Soha rahbarlari va imom noiblar uchrashuvi o'tkazilmoqda
05:05 Homidjon domla xalqaro seminarda qatnashdi
05:25 Diniy idora vakillari “Muhammad al-Beruniy” madrasasida bo'ldi
06:04 Yangi kitoblar taqdimot qilindi
06:55 Imkoniyati cheklangan hamyurtlar uchun ma'rifiy suhbatlar davom etmoqda
07:14 “Tahoratga oid fatvolar” kitobi nashr etildi
07:42 Oliy ma'had bitiruvchisi O'zbekistonning Kuvaytdagi elchisi bo'ldi
08:19 Otinoyilar bilim va malakasi sinovdan o'tkazilmoqda
✅ O'zbekiston musulmonlari idorasi Matbuot xizmati
“Arab Tourist”: Samarqand, Buxoro va Xiva — islom sivilizatsiyasi va jahon madaniy merosining bebaho durdonalari
Saudiya Arabistonining turizm va sayohatlarga ixtisoslashgan “Arab Tourist” elektron nashrida “Markaziy Osiyoning qoq markazida joylashgan va Buyuk ipak yo‘li bilan bog‘langan mamlakat” sarlavhali tahliliy maqola e’lon qilindi, deb xabar bermoqda “Dunyo” AA.
Maqolada Buyuk ipak yo‘li tarixida o‘zbek shaharlarining tutgan o‘rni alohida e’tirof etiladi. Xususan, Samarqand, Buxoro va Xiva kabi tarixiy shaharlar asrlar davomida Sharq va G‘arb o‘rtasidagi savdo, fan va madaniyat markazlari sifatida xizmat qilgani ta’kidlanadi. Registon maydoni, Ichan-qal’a va Buxorodagi me’moriy obidalar islom sivilizatsiyasi hamda jahon madaniy merosining bebaho durdonalari sifatida tilga olinadi.
Bundan tashqari, nashr O‘zbekistonning rang-barang tabiati va geografik relefiga to‘xtalib o‘tgan. Qizilqum cho‘li, serhosil Farg‘ona vodiysi, Tyan-Shan va Pomir-Oloy tog‘ tizmalari aholi joylashuvi va qishloq xo‘jaligi rivojida muhim o‘rin tutishi qayd etiladi.
Nashr, shuningdek, Buyuk Mirzo Ulug‘bek kabi donishmandlarning astronomiya va matematika sohasidagi buyuk kashfiyotlarini alohida e’tirof etgan.
Xulosada ta’kidlanganidek, Toshkent, Samarqand, Buxoro, Namangan va Andijon kabi shaharlar bugungi kunda nafaqat ma’muriy va iqtisodiy, balki jadal rivojlanayotgan yirik madaniy-turistik markazlar sifatida dunyo sayyohlari e’tiborini o‘ziga jalb etmoqda.
O‘zbekiston musulmonlari idorasi Matbuot xizmati
