Rossiya Federatsiyasi Musulmonlari diniy idorasi va Rossel'xozbank birgalikda halol oziq-ovqat sanoatini rivojlantirish va halol mahsulotlarni islom dunyosi mamlakatlariga eksport qilishni oshirishga kelishib oldi.

Islamisemya.com xabariga ko'ra, tegishli kelishuv bir kun avval ushbu tashkilotlar rahbarlari – Ravil Gaynutdin va Boris Listov tomonidan imzolangan edi. Bank raisi kredit muassasasi Rossiyada halol mahsulotlar targ'ibotiga katta e'tibor qaratayotganini ta'kidladi.

Ushbu sa'y-harakatlarning bir qismi sifatida bank halol mahsulotlar ishlab chiqaruvchilar uchun «Svoyo.Fermerstvo» raqamli ekotizimini yaratdi . Ushbu loyiha nafaqat Rossiyaning ko'p millionli musulmon aholisi, balki boshqa davlatlardagi ikki milliarddan ortiq dindoshlarini ham halol mahsulotlar bilan ta'minlash imkonini beradi.

O'zbekiston musulmonlari idorasi matbuot xizmati