Sayt test holatida ishlamoqda!
05 May, 2026   |   17 Zulqa`da, 1447
search icon
Avvalgi sayt
ЎЗ РУ EN AR

Toshkent shahri
Tong
03:45
Quyosh
05:16
Peshin
12:25
Asr
17:18
Shom
19:28
Xufton
20:52
Bismillah
05 May, 2026, 17 Zulqa`da, 1447
Avvalgi sayt
#search
 YouTube

Jiddada yana bir xalqaro forum

21.11.2023   4393   1 min.
Jiddada yana bir xalqaro forum

Saudiya Arabistoni Qirolligi Jidda shahrida Islom hamkorlik tashkiloti axborot agentliklari ittifoqi (UNA-OIC) va Musulmonlar jahon ligasi (MJL) tashabbusi bilan “Ommaviy axborot vositalarida nafrat va zo'ravonlik tarqalishi avj olishini kamaytirish” mavzusida xalqaro forum ish boshlaydi.

Anjumanda MJL Bosh kotibi, shayx doktor Muhammad bin Abdulkarim Al-Iso, Islom hamkorlik tashkiloti Bosh kotibi Husayn Ibrohim Toha, Falastin davlatidagi rasmiy ommaviy axborot vositalari bosh nazoratchisi, vazir Ahmad Assaf, shuningdek, IHTga a'zo davlatlar axborot agentliklari rahbarlari, xalqaro media institutlari, taniqli diniy tashkilotlar vakillari, intellektual, huquq va inson huquqi arboblari, xalqaro  tashkilotlar mas'ullari, diplomatlar, jurnalistlar ishtirok etadi.

Forumda “Ommaviy axborot vositalarida tarafkashlik va noto'g'ri talqin: Falastin muammosi namuna sifatida” kabi bir necha dolzarb mavzu muhokama qilinadi. Bundan ko'zlangan maqsad OAVda yo'l qo'yilayotgan kamchiliklarni aniqlash hamda tashviqot va tarafkashlikning insoniyatga, jamiyatga salbiy ta'sirini ko'rsatishdan iborat.

Tashkilotchilar noto'g'ri ma'lumot berish, noxolislik, OAV orqali nafrat tarqalishi xavfiga qarshi xalqaro ittifoq tuzish niyatida.

Muharrama Pirmatova, O'zA

 

Dunyo yangiliklari
Boshqa maqolalar
Yangiliklar

Madinai munavvarada ziyoratchilarimiz izzat-ikrom ila kutib olindi

04.05.2026   5103   1 min.
Madinai munavvarada ziyoratchilarimiz izzat-ikrom ila kutib olindi

Madina shahriga eson-omon yetib kelgan ziyoratchilarimizning ilk guruhlarini “Haj – 2026” ishchi guruhi rahbari - Din ishlari bo‘yicha qo‘mita raisi Sodiqjon Toshboyev, O‘zbekiston musulmonlari idorasi raisi o‘rinbosari Muhammadolim Muhammadsiddiqov, mamlakatimizning Jidda shahridagi Bosh konsuli Sirojiddin Shamsuddinov, “Haj” va “Umra” bo‘yicha attashe Shuhrat Amoniy va boshqa mutasaddilar tomonidan tantanali kutib olindi. 

Shuningdek, hamyurtlarimiz muhtasham “Zam-zam Pullman” mehmonxonasiga kirishlari bilanoq iliq qarshi olinib, zam-zam suvlari, xurmo, shirinliklar va hadyalar ulashilib, gullar ila ikrom qilindi. Ta’kidlash joizki, ziyoratchilarimizni Madina xalqaro aeroportidan boshlab mahalliy mutasaddilar katta ehtirom bilan peshvoz chiqqanlari ziyoratchilarimizga yuqori kayfiyat bag‘ishladi. 


Ayni damda ziyoratchilarimiz ixlosu imon bilan ibodatlarni ado etish, xususan, Masjidu Nabaviy va Ravzai muborakni ziyorat qilishga, yaqinlari tomonidan iltimos qilingan salomlarni Rasululloh sollallohu alayhi vasallamga yetkazishga oshiqmoqdalar.

Alloh taolo yurtdoshlarimizning safarlarini muborak qilib, ibodatu duolarini ijobat aylasin, Ravzai sharif ziyoratini barchamizga nasib etsin! 

O‘zbekiston musulmonlari idorasi 
Matbuot xizmati

Madinai munavvarada ziyoratchilarimiz izzat-ikrom ila kutib olindi Madinai munavvarada ziyoratchilarimiz izzat-ikrom ila kutib olindi Madinai munavvarada ziyoratchilarimiz izzat-ikrom ila kutib olindi Madinai munavvarada ziyoratchilarimiz izzat-ikrom ila kutib olindi
O'zbekiston yangiliklari
#logo