Sayt test holatida ishlamoqda!
07 Mart, 2026   |   18 Ramazon, 1447
search icon
Avvalgi sayt
ЎЗ РУ EN AR

Toshkent shahri
Tong
05:31
Quyosh
06:49
Peshin
12:39
Asr
16:35
Shom
18:24
Xufton
19:36
Bismillah
07 Mart, 2026, 18 Ramazon, 1447
Avvalgi sayt
#search
 YouTube

Islom hamkorlik tashkiloti O'zbekiston tashabbusini qo'llab-quvvatlaydi

08.04.2021   1254   1 min.
Islom hamkorlik tashkiloti O'zbekiston tashabbusini qo'llab-quvvatlaydi

O'zbekistonning Islom hamkorlik tashkilotidagi (IHT) doimiy vakili Ulug'bek Maqsudov tashkilotning Jidda shahridagi qarorgohida Bosh kotibning fan va texnologiyalar bo'yicha o'rinbosari Asqar Musinov bilan uchrashdi, deb xabar bermoqda “Dunyo” AA.

Suhbat chog'ida O'zbekiston va IHTning fan va texnologiyalar sohasidagi hamkorlik istiqbollari, Prezident Shavkat Mirziyoevning 2017 yili IHTning Ostonada bo'lib o'tgan fan va texnologiyalar bo'yicha birinchi sammitida ilgari surgan tashabbuslar bo'yicha qilinayotgan ishlar muhokama qilindi.

A.Musinov IHT bilan samarali hamkorlik uchun O'zbekiston rahbariyatiga minnatdorlik bildirdi. Hususan, IHTning Islomoboddagi Ilmiy-texnologiya bo'yicha hamkorlik doimiy qo'mitasi (COMSTECH) bilan hamkorligini qo'llab-quvvatlashini, respublikamizda har yili o'tkaziladigan robototexnika bo'yicha xalqaro musobaqalarni yuqori baholashini qayd etdi.

Bosh kotib o'rinbosari O'zbekistonning tashabbuslarini IHT qo'llab-quvvatlashini ta'kidladi. Uning so'zlariga ko'ra, Samarqandda davlatlararo teleskop o'rnatilishi va O'zbekistonda oltita yuqori ko'rsatkichli komp'yuter markazlaridan birini joylashtirish tashabbusi Tashkilot tomonidan qabul qilingan “IHT fan, texnika va innovatsiya sohasidagi harakat dasturi – 2026”ning maqsad va vazifalariga mos keladi.

Suhbatdoshning ma'lum qilishicha, IHTning fan va texnologiya bo'yicha ikkinchi sammiti joriy yil 16 iyun' kuni videoanjuman shaklida Birlashgan Arab Amirliklari o'tkazishi va unda “IHT fan, texnika va innovatsiya sohasidagi harakat dasturi – 2026” bo'yicha amalga oshirilgan vazifalarni bugungi kun talabiga moslashtirish ko'zda tutilgan.

 

O'zbekiston musulmonlari idorasi matbuot xizmati

O'zbekiston yangiliklari
Boshqa maqolalar

Ilmga intilmagan inson - o‘lik

06.03.2026   15287   1 min.
Ilmga intilmagan inson - o‘lik

Muhammad Rotib Nobulsiy hafizahulloh aytadilar: “Mehribon va rahmli Alloh nomi bilan. Allohga hamdlar bo‘lsin. Sayyidimiz Muhammad Mustafo sollallohu alayhi vasallamga va u zotning oila a’zolariga hamda sahobalariga salavotu salomlar bo‘lsin. Ulardan ham, bizdan ham rozi bo‘l, yo olamlar Robbi.

Shak-shubhasiz, koinot, jamodot, nabotot va hayvonot bir-biridan farq qiladi. Ularning ayrimlari jonsiz, qolganlari jonli. Ba’zilari vaznga ega, hajmi bor va h.k.

Ammo insoniyat boshqa jonzotlar farqli o‘laroq fikr yuritadi, tafakkur qiladi. Agar inson ilm izlamasa, Robbi uni qo‘ygan darajadan pastga tushadi, bu esa uning mavqeiga mos kelmaydi. Natijada, u o‘lik sanaladi.

Alloh taolo bunday marhamat qiladi: “Aslida, ularning hayvonlardan farqi yo‘q. Balki yana ham yo‘ldan ozganroqdirlar” (Furqon surasi, 44-oyat).

“Ular xuddi suyab qo‘yilgan xodaga o‘xsharlar” (Munofiqun surasi, 4-oyat).

“Ustlariga Tavrot yuklatilgan, so‘ngra uni ko‘tarmaganlar misoli ustiga kitob yuklangan eshakka o‘xsharlar” (Juma surasi, 5-oyat).

Inson mavjudligining sirini, hayotdan maqsadni va haqiqatni izlashi, o‘lim nima, o‘limdan keyin nima bo‘lishi haqida fikr yuritishi lozim.

Har bir aqlli odam ham dono emas. O‘tkinchi dunyo hayotining mayda-chuydalariga berilib ketmagan, o‘zini Allohning bandasi ekanini unutmagan, kengligi osmonlaru yercha bo‘lgan Jannat uchun harakat qilgan inson – dono sanaladi. Bunga faqat ilm izlash orqali erishish mumkin.

Demak, agar kim dunyoni istasa, ilm izlasin. Oxiratni istasa, ilm izlasin. Agar har ikkisini ham xohlasa, ilm izlasin. Alloh buyukdir”.


Davron NURMUHAMMAD