@Hidoyat_taqvim_botga a'zo bo'lish orqali Ramazon oyida har kuni saharlik va iftorlik vaqtidan xabardor bo'lish, saharlik va iftorlik duolaridan foydalanish, mashhur qorilar tilovatidagi tarovih namozi tasbehi audiosini tinglash imkoniga ega bo'lasiz. Shuningdek, botda ko'rsatilgan joylardan birini tanlash orqali o'zingiz yashayotgan yoki safarda bo'lib turgan joyingizdagi ro'za vaqtlarini aniq bilib olishingiz mumkin.
@Hidoyat_taqvim_bot dan foydalaning va uni boshqalarga ham ulashib, ulkan ajrga ega bo'ling!
O'zbekiston musulmonlari idorasi matbuot xizmati
Savol: Umraga borgan kishi, yetti marta tavofni qilib bo‘lgach, toliqib qolib, Safo va Marva orasida sa’yni qilmay, mehmonxonaga ketib qolsa, nima qilishi lozim bo‘ladi?
Javob: Bismillahir Rohmanir Rohiym. Bu odam mehmonxonada biroz orom olgach, haramga qaytib, sa’yni qilishi vojib bo‘ladi. Chunki Safo va Marva orasida yetti marta sa’y qilish umraning vojiblaridan sanaladi. Shuning uchun umra qilayotgan odam tavofdan keyin sa’yni tugatmaguncha ehromdan chiqa olmaydi. Agar sa’ydan oldin sochini oldirib, ehromdan chiqqan bo‘lsa, o‘z vaqtidan oldin ehromdan chiqqani uchun, zimmasiga bir jonliq so‘yish vojib bo‘ladi. Shu bilan birga sa’yni qilishi ham lozim bo‘ladi. Agar keksa yoki bemorligi tufayli o‘zi yurishga qiynalsa, aravada sa’y qilsa ham joiz bo‘laveradi. Vallohu a’lam.
O‘zbekiston musulmonlari idorasi
Fatvo markazi.