O'zbekiston tarixi davlat muzeyida «Hindistonning yozma merosi: hind-islom hattotligining yozma san'ati» nomli ko'rgazma ochildi. Ko'rgazma Lal Bahodur Shastri nomidagi Hindiston madaniyat markazi va O'zbekiston Badiiy akademiyasi bilan hamkorlikda tashkillashtirildi, deb xabar bermoqda «Dunyo» AA Fanlar akademiyasi ma'lumotiga asoslanib.

Ko'rgazmada Hirot san'at maktabi buyuk hattotlarining XV-XIX asrlarda Hindistonning turli hududlarida yaratgan kufiy, nash, suls, nasta'liq, shikasta, ta'liq yo'nalishidagi ishlaridan namunalar namoyish etilmoqda.

Ushbu yozuv namunalari, ayniqsa, Qur'on oyatlarining nash va suls xatlarida nafis yozilishida keng qo'llanilgan.
Ko'rgazma 20 aprelgacha davom etadi.

O'zbekiston musulmonlar idorasi matbuot xizmati