Britaniyaning Oksford shahridagi Markaziy masjid Ramazon oyi mobaynida ehtiyojmandlar uchun issiq taom tarqatishni rejalashtirmoqda.

Masjid ko'ngillilari haftada bir marta taom tarqatishni yo'lga qo'yishgan. 12 aprel – Ramazondan bir kun avval esa ushbu xayrli amalni har kuni bajarishga kirishishadi va bu ish muqaddas oyning oxirigacha davom etadi.

Markaziy masjid boshqaruvi a'zosi Faysal Azizning aytishicha, kampaniyaga jamiyatning turli qatlamlariga oid kishilar o'z hissasini qo'shdi.

“Sevimli shahrimizni birlashtirganimiz juda ajoyib bo'ldi, – deydi u. – Barcha zaruriy narsalarni sotib olishga, taomlarni manzillarga etkazib berishga yordam beradigan jamoatimiz a'zolari borligi uchun juda omadlimiz. Masjidimiz ushbu xizmatni Ramazon oyi davomida amalga oshirishi haqida xabar berishdan xursandmiz”.