Sayt test holatida ishlamoqda!
23 Iyun, 2025   |   27 Zulhijja, 1446
search icon
Avvalgi sayt
ЎЗ РУ EN AR

Toshkent shahri
Tong
03:05
Quyosh
04:50
Peshin
12:30
Asr
17:41
Shom
20:03
Xufton
21:42
Bismillah
23 Iyun, 2025, 27 Zulhijja, 1446
Avvalgi sayt
#search
 YouTube

Yangi ochilgan “Urgut” markaziy jome masjidida ilk juma namozi (fotolavha)

19.03.2021   3292   2 min.
Yangi ochilgan “Urgut” markaziy jome masjidida ilk juma namozi (fotolavha)

Bugun, 19 mart kuni Samarqand viloyati Urgut shahrida yangi qad rostlagan “Urgut” markaziy jome masjidida ilk juma namozi o'qildi. Unda O'zbekiston musulmonlari idorasi Kadrlar bo'limi mudiri Erdon domla Esonov, Samarqand viloyati bosh imom-xatibi Zayniddin domla Eshonqulov, Urgut tumani bosh imomi Shodi domla Haqberdiyev, ulamolar, tajribali imom-xatiblar, mo'ysafid otaxonlar va namozxonlar ishtirok etdi.

Darhaqiqat, Alloh taolo masjidlarni O'ziga eng mahbub makonlar qilgan. Nabiy sollallohu alayhi vasallam “Shaharlarning Allohga eng mahbub joyi – masjidlaridir” deganlar (Imom Muslim rivoyati).
Buning sababi – masjidlarda Yolg'iz Allohga ibodat qilingani, u erlarda Uning ismi zikr etilgani, u erlarda Uning buyruq va qaytariqlari e'lon qilingani, u erlarda musulmonlar ibodatlarning turli ko'rinishlari, jumladan, namoz, zikr, Qur'on tilovati, tasbeh, duo kabilar bilan Unga qurbat hosil qilganlari, u erlarda nafslar gunoh va isyon kirliklaridan poklangani, u erlarda rohat, uns, xotirjamlik, iymon, Allohga munojot lazzati paydo bo'lgani uchundir.

Ishonch bilan ayta olamizki, ushbu muhtasham masjid ham mo'min-musulmonlarimizning ruhiy tarbiyasini sayqallashda juda katta xizmat qiladi. Zero, masjidlar obodligi yurt obodligidir. Masjidga ibodat qilish uchun kelgan kishilar ona-Vatan tinchligi, xalq osoyishtaligini so'rab, duo qilishadi. Bu mustajob duolarning sharofati ila Yaratgan yurtimizni yanada farovon qiladi, inshaalloh.

Alloh taolo ushbu jome masjidlarni tez kunlarda bunyod etilib, xalqimizga muborak aylashini nasib etsin!

 

 

 

 

 

 

 

O'zbekiston musulmonlari idorasi matbuot xizmati

Fotolavhalar
Boshqa maqolalar

Talaba ta’tilni qanday o‘tkazish kerak?

23.06.2025   565   1 min.
Talaba ta’tilni qanday o‘tkazish kerak?

Bismillahir Rohmanir Rohiym

O‘quv yili tugab, ota-onani ziyorat qilish, ularning xizmatiga borish vaqti kelgach, darslar tugab, imtihonlardan forig‘ bo‘lgach, «Endi butunlay bo‘shman, ilmdan forig‘ bo‘ldim», deb tasavvur qilmang. Ota-onaning xizmatida bo‘lib, duolarini oling. Ta’til payti ham siz uchun muhim bir vaqt hisoblanadi. 

Ota-onangiz, aka-ukangiz, opa-singlingiz, qarindosh-urug‘laringiz nimalarni o‘rganganingizga, odobingiz qanday bo‘lganiga qiziqishadi. «O‘g‘limiz nimalarni o‘rganib keldi ekan-a, ustozlaridan nimalarni ta’lim oldi ekan» deb, havas ko‘zlari bilan qaray boshlashadi. Ana shunda siz ularni odobingiz, kamtarligingiz, xizmatingiz bilan xushnud qilsangiz, nafaqat o‘zingizni, balki ustozlaringizni, nafaqat ustozlaringizni, balki Islom dinini ham barchaga sevdirasiz.

Buning natijasi o‘laroq odamlarda din ilmiga rag‘bat oshib, ular ham farzandlarini ahli ilm qilishga, qori qilishga shoshib qoladilar. Aksincha, namozlar qazo bo‘la boshlasa, xulq-atvor yomon bo‘lsa, «Bu bola o‘qib yurib shu ahvolda bo‘lsa, bundan ko‘ra o‘qimaganimiz yaxshi ekan», deyishadi. Odamlarning ilm olishdan hafsalasi pir bo‘ladi, ustozlarni hurmat qilmay qo‘yishadi. Bu holatda dinga foydangiz emas, zararingiz ko‘proq tegadi. Bunday tolibi ilmlardan Alloh taoloning O‘zi asrasin!

Bir narsani yaxshi bilib oling: siz makonlar, holatlar o‘zgarishi bilan o‘zgarib qolavermang. Holatlar sizni o‘zgartirmasin, siz holatlarni o‘zgartiring. Doimo istiqomatda bo‘ling, sabot bilan turing. Alloh taolo har holatda ham sizni ko‘rib turganini aslo yodingizdan chiqarmang.

 «Talabalik davrini qanday o‘tkazmoq kerak?» kitobidan