Sharja xalqaro kitob ko'rgazmasi ish boshladi
Qirq ikkinchi Sharja xalqaro kitob ko'rgazmasida Qur'oni karimning audio kitoblari, Brayl alifbosidagi adabiyotlar keng namoyish etilmoqda.
Jumladan, “Dar al-Barak” nashriyoti tomonidan bolalar uchun madaniy-ma'rifiy kitoblar, payg'ambarlar qissalari jamlangan audio kitoblar, shuningdek, ko'zi ojizlar uchun Brayl alifbosidagi qator diniy asarlar taklif qilinmoqda.
Abu Dabi arab tili markazi esa Brayl alifbosidagi madaniy, ijtimoiy va siyosiy asarlarni mehmonlar e'tiboriga havola etayapti.
O'zbekiston musulmonlari idorasi
Matbuot xizmati
Namozim buzildimi?
Savol: Masjiddagi jamoatda ba’zan oldingi safdagi odamning kiyimi kalta bo‘lgani uchun sajdada orqasi qisman ochilib qoladi va bexosdan unga ko‘zimiz tushib qoladi. Shu holatda tahorat yoki namozimiz buzilmaydimi?
Javob: Bismillahir Rohmanir Rohiym. Ulamolar tahorat va namozni buzuvchi omillarni birma-bir sanaganlar. Ular ichida birovning avratiga ko‘z tushib qolish sababli buziladi, degan gap yo‘q. Birovning, xoh ayolning, xoh erkakning avratiga qarash sababli bavl yoki biror suyuqlik chiqmasa, tahorat sinmaydi. Ammo bu degani qarash, nazar solish mumkin ekan, deb tushunmaslik kerak. Chunki bunday ishlar aslo mumkin emas.
Bir narsani yodda tutish lozimki, namoz o‘qish uchun tayyorlanayotgan inson namoz o‘qish asnosida avratlari ochilib qolmasligining chorasini ko‘rishi kerak bo‘ladi. Chunki bir rukn (farz amali) miqdoricha avratining to‘rtdan biri ochilib tursa, uning namozi buziladi. Vallohu a’lam.
O‘zbekiston musulmonlari idorasi
Fatvo markazi
- «
- »