Sayt test holatida ishlamoqda!
02 Sentabr, 2026   |   20 Rabi`ul avval, 1448

Toshkent shahri
Tong
04:27
Quyosh
05:50
Peshin
12:23
Asr
17:00
Shom
18:59
Xufton
20:17
Bismillah
02 Sentabr, 2026, 20 Rabi`ul avval, 1448

Behuda narsalardan saqlanish

09.11.2023   3981   2 min.
Behuda narsalardan saqlanish

Bismillahir Rohmanir Rohiym.
Alloh taologa bitmas-tuganmas hamdu sanolar bo'lsin.
Payg'ambarimizga mukammal va batamom salavotu durudlar bo'lsin.

Imom ibn Qoyyim rahimahulloh dedi: «O'nta zoye bo'ladigan, behuda narsa borki, ulardan manfaat yo'qdir:
1. Amal qilinmaydigan ilm.
2. Ixlos bo'lmagan va (sunnatga) iqtido qilinmagan amal.
3. Undan infoq qilinmaydigan mol-dunyo. Uning jamlovchisi dunyoda (baxillik qilib) bahramand bo'lmaydi va oxirati uchun ham o'zidan oldinga (sadaqotlar ko'rinishida) taqdim etmaydi.
4. Allohning muhabbatidan xoli bo'lgan, Unga intilib shavq qilmaydigan va U bilan sirdosh bo'lmaydigan qalb. 
5. Uning toati va xizmatidan ajralgan jism. 
6. Mahbubning rizosiga bog'lanmagan va uning amrlariga muvofiq yurmaydigan muhabbat.
7. Behuda ketayotgani idrok qilinmagan, yaxshilik va qurbatni g'animat bilinmagan vaqt.
8. Bekorchi, foydasi bo'lmagan narsalarga mashg'ul bo'lgan fikr. 
9. Unga xizmat qilish seni Allohga yaqinlashtirmaydigan va dunyoingga salohiyat bo'lib qaytmaydigan insonni xizmatini qilish.
 10. Tutqichi Allohning qo'lida bo'lgan bir bandadan qo'rqishing va umid qilishing. U Uning qabzasida asir bo'lsa va hatto o'zigada zarar yoki foyda, o'lim yoki hayot bera olmasa. Bularning bari foydasiz va zoye narsalardir.

Manba: @arabicuz

 

MAQOLA
Boshqa maqolalar
Yangiliklar

O‘zbekiston delegatsiyasi Misrdagi xalqaro anjumanda ishtirok etadi

02.09.2026   7585   1 min.
O‘zbekiston delegatsiyasi Misrdagi xalqaro anjumanda ishtirok etadi

Joriy yilning 2–3 sentyabr kunlari Qohira shahrida Butunjahon fatvo idoralari va hay’atlari Bosh kotibiyati tashabbusi bilan nufuzli xalqaro anjuman bo‘lib o‘tadi.

Mazkur tadbirda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari boshchiligidagi mamlakatimiz delegatsiyasi ishtirok etadi. Ma’lumki, joriy yil iyul oyida O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Butunjahon Fatvo idoralari va hay’atlari Bosh kotibiyati a’zoligiga qabul qilingan edilar.

Xalqaro yig‘inda dunyoning taniqli muftiylari, fatvo va fiqh markazlari ulamolari, xalqaro tashkilotlar vakillari, Al-Azhar dorulfununi kabi nufuzli oliygohlar professorlari hamda soha mutaxassislari jam bo‘ladi.

Kun tartibida sun’iy intellekt, jadal raqamlashtirish va zamonaviy bioetika zamonida oila instituti mustahkamligini ta’minlash, ayollar huquqlarini muhofaza qilish, yoshlarni zararli illatlardan asrash hamda ma’naviy inqirozlarga islomiy qadriyatlar asosida shar’iy va ilmiy yechimlar topish masalalari atroflicha muhokama qilinadi.

O‘zbekiston musulmonlari idorasi Matbuot xizmati

 

O'zbekiston yangiliklari