Saudiyaliklar seshanba kuni Yahyo Hamza Koshakning 80 yoshida vafot etganidan so'ng ushbu yo'qotishga motam tutdilar. U kasbi bo'yicha muhandis bo'lib, Zamzam qudug'iga qilgan xizmatlari bilan mashhurlik topdi. U shoh Faysal va malika Iffat tomonidan tashkil etilgan keyin u Toif shahridagi birinchi maktablardan birida ta'lim oldi. U keyinchalik AQShda o'z ta'limini davom ettirib, u muhandislik fanlari doktori darajasiga ega bo'ldi.

Koshak uzoq yillik faoliyati davomida bir qator davlat lavozimlarini egallagan, jumladan, Makka shahar ma'muriyatida texnik masalalar bo'yicha vazir muovini bo'lib xizmat qilgan.

Islam.ru ma'lumotlariga ko'ra, bundan qirq yil muqaddam u Zamzam qudug'ini tozalash bo'yicha brigadaga boshchilik qildi va "Zamzam: Muqaddas suv" kitobini yozib, unda quduq haqidagi kuzatishlarini qayd etdi.
- Zamzam qudug'ini tozalash uning eng muhim loyihalaridan biri, Shoh Holid rahbarligidagi ulkan vazifa edi, - dedi jiyani Nabil Koshak.

Koshak o'z kitobida quduq va uning suv manbalari tarixini bayon qilib, tozalash loyihasi davomida topilgan arxeologik ob'ektlarni hujjatlashtirgan.
Koshakning qiziqishlari doirasi islom tibbiyotini o'z ichiga olgan, natijada Jidda shahrida ixtisoslashgan markaz tashkil etgan.

O'zbekiston musulmonlari idorasi matbuot xizmati