Qur'onda eng ko'p ta'kidlangan amal
Taqvo Qur'oni karimda eng ko'p ta'kidlangan amal. Sizning ham ko'p oyatlardan o'qiganingiz – taqvo haqidadir. Tasavvufning eng muhim mavzularidan biri ham taqvodir. Hatto tasavvufni qisqacha: «taqvo yo'li» deydilar. Tasavvuf taqvo yo'lidir... Bu yo'ldan yurgan eng yaxshi mutasavvif bo'ladi. Eng yaxshi mutasavviflar eng taqvoli insonlardir.
Shuning uchun taqvoni o'rganmoq va taqvoga amal qilmoq lozim. Ya'ni Allohdan doimo qo'rquvdasiz, Haq yo'lini bilasiz... «Ajabo, Alloh menga marhamat etmasmi?.. Ajabo, bu so'zni so'ylaganda Allohim mendan rozi bo'lmasmi?.. Ajabo, Alloh menga qahr qilmasmi?», – deb doimiy bir taraddud ichida bo'lishingiz kerak. Bu – «Alo hozirin», ya'ni doimo xavf ichida bo'lmoq deyilur... Kishi ehtiyotli, tadbirli, diqqatli, g'amxo'r, talabchan va e'tinoli musulmon bo'lishi zarur.
... إِنَّمَا يَتَقَبَّلُ اللّهُ مِنَ الْمُتَّقِينَ (سورة المائدة:27)
Innamo yataqabbalullohu minal muttaqiyn ( «Al-moida»,27) – «Alloh faqat taqvodorlardangina qabul qilur» deb buyuriladi mazkur oyati karimada. Ibodatlarning qabul bo'lishiga sabab shu — taqvodir. Namozni taqvo bilan qilsang qabul bo'ladi. Zakotni, sadaqani taqvo yo'lida bersang, qabul bo'ladi.
Hazrati Odam alayhissalomning ikki o'g'li bor ekan. Ikkisi ham qurbonlik qilibdi. Birisiniki qabul bo'libdi, ikkinchisiniki bo'lmabdi. Sababi Qur'oni karim: «Alloh faqat taqvodorlardangina qabul qilur», – deydi. Taqvosizdan qabul qilmas. Taqvosiz, fikri buzuq, qalbi notoza, niyatida qusur bo'lsa qabul qilmas. Shuning uchun tasavvufni bir jihatdan «Taqvo yo'li» deydilar. Bu gunohlardan saqlanib, savobli ishlarni orqaga surmay, nazardan qochirmay yashash yo'lidir. Buni o'rganishingiz kerak.
"Islom va axloq" kitobidan olindi
“Associated Press of Pakistan” AA: I Xalqaro islom sivilizatsiyasi forumi ishtirokchilari O‘zbekiston Prezidentiga murojaat yo‘lladi
Pokistonning “Associated Press of Pakistan” axborot agentligida I Xalqaro islom sivilizatsiyasi forumi yakunlariga bag‘ishlangan maqola e’lon qilindi, deb xabar bermoqda “Dunyo” AA.
Maqolada shu yilning 7–11 iyul kunlari O‘zbekistonda Islom sivilizatsiyasi bo‘yicha birinchi xalqaro forum bo‘lib o‘tgani, anjuman yakunida forum ishtirokchilari Prezident Shavkat Mirziyoyev nomiga murojaat yo‘llagani ta’kidlangan.
Qayd etilganidek, murojaatda Prezident Shavkat Mirziyoyev tashabbusi va bevosita qo‘llab-quvvatlovi bilan tashkil etilgan ushbu forum nafaqat nufuzli ilmiy anjuman, balki insoniyatning umumiy ma’naviy va intellektual merosini asrashga qaratilgan global hamkorlikning yangi bosqichini boshlab bergan tarixiy voqea sifatida baholangan.
Murojaatda forumning Toshkent, Samarqand va Termiz kabi buyuk sivilizatsiya markazlarida o‘tkazilgani chuqur ramziy ahamiyatga ega ekani qayd etilib, aynan shu zaminda jahon ilm-fani taraqqiyotiga ulkan hissa qo‘shgan allomalar yetishib chiqqanligi alohida ta’kidlangan.
“Forum ishtirokchilari BMT Bosh Assambleyasining 72-sessiyasida Prezident Shavkat Mirziyoyev tomonidan ilgari surilgan O‘zbekistondagi Islom sivilizatsiyasi markazini tashkil etish tashabbusini so‘nggi o‘n yillikdagi eng muhim xalqaro gumanitar tashabbuslardan biri sifatida e’tirof etdi. Ular mazkur markaz kelgusida jahonning yetakchi olimlarini birlashtiruvchi yirik xalqaro ilmiy-ma’rifiy maskanga aylanishiga ishonch bildirdi”, — deya fikr yuritilgan materialda.
Maqolada yozilganidek, O‘zbekistonda tarixiy merosni asrash, fundamental ilm-fanni rivojlantirish va sivilizatsiyalar muloqotini mustahkamlash borasida amalga oshirilayotgan keng qamrovli islohotlar yuksak baholangan.
Xususan, O‘zbekistondagi Islom sivilizatsiyasi markazi, Imom Buxoriy yodgorlik majmuasi, Imom Buxoriy, Imom Moturidiy va Imom Termiziy xalqaro ilmiy-tadqiqot markazlari hamda Xalqaro islom akademiyasi faoliyati ushbu siyosatning yorqin namunasi sifatida qayd etilgan.
O‘zbekiston musulmonlari idorasi Matbuot xizmati
- «
- »