O'zbekistonning Saudiya Arabistoni Podshohligidagi Favqulodda va muxtor elchisi, O'zbekistonning IHTdagi doimiy vakili Ulug'bek Maqsudov Islom hamkorlik tashkiloti Bosh kotibi, doktor Yusuf bin Ahmad al-Usaymin Jidda shahridagi Bosh qarorgohida muloqot o'tkazdi.
Uchrashuvda tomonlar Islom hamkorlik tashkiloti va O'zbekiston o'rtasidagi hamkorlik istiqbollari borasida o'zaro fikr almashdi.
O'zbekiston musulmonlari idorasi
Halqaro aloqalar bo'limi
Bugun Qumqo‘rg‘on tumanidagi “Shoh Mashrab” jome masjidida imom-xatiblar, noiblar va otinoyilar ishtirokida 2025 yil yakunlari hamda 2026 yildagi ustuvor vazifalarga bag‘ishlangan yig‘ilish bo‘lib o‘tdi.
Tadbirda Hafizullo domla Zayniyev so‘zga chiqib, yurtimizdagi diniy-ma’rifiy islohotlar va soha xodimlarining jamiyatdagi o‘rni, xususan, imomlarning shaxsiy namuna bo‘lishlari muhimligini ta’kidladi. Din ishlari bo‘yicha qo‘mitaning tuman bo‘yicha bosh mutaxassisi Shoxruhmirza Mamadiyev esa hududdagi xayriya ishlari va ma’naviy targ‘ibot tadbirlarining samaradorligiga to‘xtaldi.
Yig‘ilishda otinoyilar oldida turgan dolzarb vazifalar — «mahallabay» ishlash, oilalarni yarashtirish va bid’at-xurofotlarga qarshi kurashish masalalari alohida muhokama qilindi.
Tadbir yakunida faol imomlar va otinoyilar tuman hokimligining tashakkurnomalari bilan taqdirlandi.
O‘zbekiston musulmonlari idorasi
Matbuot xizmati