Sayt test holatida ishlamoqda!
05 Iyul, 2025   |   10 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:12
Quyosh
04:56
Peshin
12:33
Asr
17:42
Shom
20:03
Xufton
21:39
Bismillah
05 Iyul, 2025, 10 Muharram, 1447
Avvalgi sayt
#search
 YouTube

«O'zsanoatqurilishbank» tadbirkorlarni islomiy moliyalashtirishga ko'maklashadi

26.02.2021   1623   2 min.
«O'zsanoatqurilishbank» tadbirkorlarni islomiy moliyalashtirishga ko'maklashadi

«O'zsanoatqurilishbank» ATB va Hususiy sektorni rivojlantirish bo'yicha Islom korporatsiyasi (HSRIK) o'rtasida 25 mln AQSh dollarga teng moliyalashtirish liniyasi to'g'risida bitim imzoladi.
Unga ko'ra, HSRIK «O'zsanoatqurilishbank»ga kichik va o'rta biznes (KO'B) sub'ektlarining investitsion loyihalarini moliyalashtirishning islom usullaridan foydalangan holda moliyalashtirishga ko'maklashadi.

Tomonlar bank mutaxassislarining yangi noan'anaviy bank mahsulot va xizmatlari haqidagi xabardorligi va amaliy bilimlarini oshirish maqsadida soha mutaxassislari uchun moliyalashtirishning islom usullari (jumladan, Murabaxa - iste'mol krediti) bo'yicha o'quv-amaliy dasturlarni birgalikda tashkil etishga kelishib oldi.

Ushbu bitimning imzolanishi bankda shariat tamoyillari asosida yangi moliyaviy xizmat turlarini joriy etish va ITB guruhining qo'shimcha moliyaviy resurslarini jalb qilish uchun imkoniyat yaratadi.

Shuningdek, shu yil iyun' oyida mamlakatimizda bo'lib o'tadigan Islom taraqqiyot banki Boshqaruvchilari kengashining yillik majlisi arafasida boshqa banklar va moliyaviy tashkilotlar hamda islom moliyalashtirish usullari bilan shug'ullanuvchi investitsion fondlar uchun ham ijobiy belgi hisoblanadi.

Bu «O'zsanoatqurilishbank»ga HSRIK ajratilgan uchinchi moliyalashtirish liniyasidir. Bundan avval korporatsiya tomonidan 2009-2012 yillarda umumiy qiymati 18 mln AQSh dollarilik ikkita moliyalashtirish kredit liniyasi ajratilgan edi.

Ma'lumot uchun: Hususiy sektorni rivojlantirish bo'yicha Islom korporatsiyasi (HSRIK) - Islom taraqqiyot banki (ITB) guruhi a'zolaridan biridir. Korporatsiyaning maqsadi - iqtisodiy rivojlanishni qo'llab-quvvatlash va moliyalashtirish hamda investitsiyalarni taqdim etish orqali a'zo-mamlakatlarda xususiy sektorni rivojlantirishga ko'maklashishdan iborat. Korporatsiya KO'Bni tasis etish, kengaytirish va modernizatsiyalashga ko'maklashish maqsadida hukumatlar va xususiy tashkilotlarga konsultativ xizmatlar ko'rsatadi.

 

O'zbekiston musulmonlari idorasi matbuot xizmati

O'zbekiston yangiliklari
Boshqa maqolalar

“Safarga ketdilar...”

04.07.2025   9024   2 min.
“Safarga ketdilar...”

Ayoli vafot etganidan keyin eri juda mayus bo‘lib qoldi. Bir kuni uning yaqin do‘sti uni koyidi:

– Haliyam uylanmadingmi?

– Yo‘q, – dedi u.

– Nega, nahotki boshqa ayollar ichida senga yoqadigani bo‘lmasa?

– Rahmatli ayolimga o‘xshagani topilmasa kerak...

– Qo‘ysang-chi, ayollarning bari bir-biriga o‘xshaydi-ku!..

– Men zohirini aytmayapman. Ichki olamini, botinini aytyapman.

Yigit hayron bo‘lib qarab turgan do‘stiga hayotida bo‘lgan birgina voqeani gapirib berdi:

“Bir kuni ayolim jahlimni chiqardi. Qattiq urishdim va uni ota uyiga haydadim. Jimgina ketdi. Oradan bir necha kun o‘tgach, qilgan ishimdan pushaymon bo‘ldim. Aslida ayb o‘zimdan o‘tganini angladim. Ming andisha bilan qaynotamnikiga bordim. Eshik oldida biroz turib qoldim. So‘ng eshikni taqillatdim. Ayolim ochdi va meni hayratda qoldirib, xuddi oramizda hech gap o‘tmaganday, baland ovozda:

– Assalomu alaykum dadajonisi, safaringiz yaxshi o‘tdimi? – deya tabassum bilan ko‘zini qisib qo‘ydi. Unga bir nimalar demoqchi bo‘lgan edim, u meni qattiq bag‘riga bosib, bunday dedi:

– Gapirmang, ota-onamga sizni “safarga ketdilar”, dedim...

Ana shunday fahmli, oqila edi ayolim. Shuning uchun ham unga hech birini o‘xshatolmay, uylanolmay yuribman, do‘stim”.

Ha, azizlar! Alloh taolo erkakni ayol uchun, ayolni erkak uchun ne’mat qilib bergan. To‘g‘ri, ba’zilar bir-birlarining kamchiliklaridan shikoyat qilib qolishadi. Ammo hech kim benuqson emas. Mukammal ayolni ham, erkakni ham axtarmang bu dunyoda. Hikoyada kelganidek, ba’zida er uchun bir jufti halol butun dunyodagi ayollardan afzal bo‘lishi mumkin. Shunday ekan, ahli ayolimizni qadrlaylik. Zero, u ham kimningdir farzandi, bolalarimizning onasi. Eng muhimi, Allohning bizga bergan omonatidir.

Akbarshoh RASULOV

#logo