"Imom al Buxoriy" stipendiyasi g'olibi taqdirlandi
"Dunyoda ilmdan boshqa najot yo'q va bo'lmagay".
Ulug' ajdodimiz Imom Buxoriy hazratlarining bu hikmatli so'zlari dunyo musulmonlari uchun shiorga aylangan desak mubolag'a bo'lmas.
Ilm talabidagi inson esa Alloh taoloning huzurida aziz va mukarram sanaladi.
Tolibi ilmlarni e'zozlash, ularni qo'llab-quvvatlash savobi va mukofoti ulkan amallardandir.
Vaqf xayriya jamoat fondi tomonidan diniy ta'lim dargohlarida tahsil olayotgan talabalar doimiy ravishda rag'batlantirilib kelinmoqda.
Zero, fondning bosh vazifalaridan biri ham shu.
Bugun, diniy ta'lim muassasalari talabalari orasidan eng iqtidorlilariga taqdim etiladigan "Imom al Buxoriy" stipendiyasining ilk g'olibi Toshkent Islom instituti talabasi Mahammadxonova Muhlisa, Vaqf xayriya jamoat fondi tomonidan 7 020 000 so'm bilan mukofotlandi.
Alloh taolodan so'rab qolamizki, ushbu stipendiya sohiblari kelajakda ajdodlarimiz kabi etuk olim, faqih va muhaddis bo'lib etishadi.
Safimizga qo'shiling: @vaqfuz
Jizzaxda 35 nafar bolaning xatna to‘yi o‘tkazildi
Jizzax shahridagi “Yakkasaroy” tantanalar majmuasida ota-ona qaramog‘idan mahrum bo‘lgan bolalar, ehtiyojmand oilalar farzandlariga mehr-e’tibor ko‘rsatish maqsadida ularning xatna to‘yi o‘tkazildi.
“Vaqf” xayriya jamoat fondi, O‘zbekiston musulmonlari idorasining Jizzax viloyatidagi vakilligi hamda viloyat hokimligi tashabbusi bilan tashkil etilgan xayriya tadbirida 2 yoshdan 11 yoshgacha bo‘lgan 35 nafar bolajonlarga xursandchilik ulashildi.
Bolalarga bayram munosabati bilan velosiped, kostyum-shim, ko‘ylak, oyoq kiyimlari hamda yana boshqa turli xil sovg‘a-salomlar taqdim etildi.
Bolalarning yaqinlari va jamoatchilik vakillari uchun bayram dasturxoni yozildi.
O‘zbekiston musulmonlari idorasi Jizzax viloyati matbuot xizmati
